Consunji မိသားစုဝင်ဖြစ်သော DMCI စွမ်းအားကော်ပိုရေးရှင်းသည် Mindoro သို့ ၁၀၀ မီဂါဝပ် လျှပ်စစ်စွမ်းအားပေးစွမ်းနိုင်သော ပီဆို ၃ ဘီလီယံတန်ကြေးရှိသာ ရေအောက်ကြိုးများကို Semirara ကျွန်းတွင် တပ်ဆင်ရန် စီစဥ်နေကြောင်း သိရပါသည်။ DMCI သည် Semirara နှင့် Mindoro ကြားတွင် ၂၀ ကီလိုမီတာအရှည်ရှိသော ရေအောက်ကြိုးများ သွယ်ရန်အတွက် စည်းမျဥ်း အတည်ပြုချက်များကို ရှာဖွေနေကြောင်း သိရပါသည်။ DMCI မှ ဥက္ကဌဆိုသူ Isidro Consunji က ကုမ္ပဏီသည် Mindoro တွင် စွမ်းအားထောက်ပံ့လိုကြောင်းနှင့် အဆိုပါ ပြည်နယ်သည် စျေးကြီးသော စွမ်းအင်အရင်းအမြစ်များဖြစ်သော ဒီဇယ်များအပေါ် မှီခိုနေရ ကြောင်း မှတ်ချက်ပြုခဲ့ပါသည်။ စွမ်းအင်ဦးစီးဌာနမှ အကြီးအကဲဟောင်းဆိုသူ Raphael Lotilla က Consunji အား ၎င်းအနေဖြင့် ရေအောက်ကြိုးများတပ်ဆင်မှုပြီးမြောက်ပါက Mindoro ပြည်နယ်တွင် စျေးကွက်များ ပွင့်လာမည် ဖြစ်ကြောင်း ပြောကြားခဲ့ပါသည်။ ယခုအခါတွင် DOE သည် DMCI ကို ခွင့်ပြုချက် ပေးလိုက်ကြောင်း သိရပါသည်။ Consunji က Mindoro ပြည်နယ်၏ စွမ်းအင်ပြတ်လပ်မှုကို ပြန်လည်ဖြည့်တင်းနိုင်ရန်အတွက် စွမ်းအင် စျေးကွက်တွင် အခွင့်အလမ်း များကို တွေ့မြင်နေ ကြောင်း ပြောကြားခဲ့ပါသည်။ ၎င်းက ရေအောက်ကြိုးများသည် ပီဆို ၂ ဘီလီယံမှ ၃ ဘီလီယံ အတွင်းကုန်ကျမည်ဖြစ်ကြောင်း ကျောက်မီးသွေး၊ ဆိုလာ နှင့် လေအားစွမ်းအားများပေါင်းစပ်ပြီး ရရှိသော ၁၀၀ မီဂါဝပ်ကို အဆိုပါ ကြိုးများတွင် တပ်ဆင်မည်ဖြစ်ကြောင်း ပြောကြားခဲ့ပါသည်။ Consunji သည် ၎င်းအနေဖြင့် အဆိုပါ စီမံကိန်းသည် စီးပွားရေးနှင့် နည်းပညာပိုင်းဆိုင်ရာ အလား အလာများရှိလာနိုင်သည်ဟု ယုံကြည်ကြောင်း ပြောကြားခဲ့ပါသည်။ DMCI သည်လည်း ဖိလစ်ပိုင် အစိုးရထံမှ Taguig City သို့ ဆက်သွယ်ထားသည့် Metro Manila ရထားလမ်းစီမံကိန်းတွင်လည်း ရင်းနှီးမြှုပ်နှံမှုပြုလုပ်ရန် ခွင့်ပြုချက်ရရှိရန် မျှော်မှန်းကြောင်း ပြောကြားခဲ့ပါသည်။
Source: Philstar
DOCA (ရန်ကုန်)