ကမ္ဘောဒီးယားနိုင်ငံသည် ၎င်း၏အာဆီယံအဖွဲ့ဝင်နိုင်ငံများနှင့် ကုန်သွယ်မှုပမာဏသည် ၂၀၂၅ ခုနှစ် ပထမ (၈) လတွင် ကန်ဒေါ်လာ ၁၀.၉၆ ဘီလီယံအထိ ရောက်ရှိခဲ့ပြီး ယမန်နှစ် အလားတူကာလနှင့် နှိုင်းယှဉ်ပါက ၄.၅ ရာခိုင်နှုန်း တိုးမြင့်လာသည်ဟု စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၏ တရားဝင်အစီရင်ခံစာတွင် ဖော်ပြထားသည်။ နိုင်ငံတော်သည် ယခုနှစ် ဇန်နဝါရီမှ ဩဂုတ်လအတွင်း အခြားအာဆီယံနိုင်ငံများသို့ ကုန်ပစ္စည်းများ တင်ပို့မှုမှာ ကန်ဒေါ်လာ ၃.၉၈ ဘီလီယံဖိုးရှိပြီး တစ်နှစ်ထက်တစ်နှစ် ၁၆ ရာခိုင်နှုန်း မြင့်တက်လာကာ စုစုပေါင်း တင်သွင်းမှုပမာဏမှာ ကန်ဒေါ်လာ ၆.၉၈ ဘီလီယံရှိပြီး ၁.၁၆ ရာခိုင်နှုန်း ကျဆင်း ခဲ့ကြောင်း အစီရင်ခံစာတွင် ဖော်ပြထားသည်။ အာဆီယံနှင့် ကမ္ဘောဒီးယားနိုင်ငံ၏ ကုန်သွယ်မှု ပမာဏသည် ၂၀၂၅ ခုနှစ် ပထမရှစ်လအတွင်း နိုင်ငံတော်၏ စုစုပေါင်းကုန်သွယ်မှုပမာဏ၏ ၂၅.၆၂ ရာခိုင်နှုန်းဖြစ်သည်။ အာဆီယံတွင် နိုင်ငံတော်၏ ထိပ်တန်းကုန်သွယ်ဖက်ငါးနိုင်ငံသည် ဗီယက်နမ်၊ ထိုင်း၊ စင်ကာပူ၊ အင်ဒိုနီးရှားနှင့် မလေးရှားတို့ဖြစ်ကြောင်း အစီရင်ခံစာတွင် ဖော်ပြထားသည်။ MoC ၏ထုတ်ပြန်ချက်များအရ အာဆီယံသို့ တင်ပို့သည့် အဓိက ထုတ်ကုန် များမှာ အဝတ်အထည်၊ ဖိနပ်၊ ခရီးသွား ကုန်ပစ္စည်းများ၊ အိတ်များ၊ ဆိုလာပြားများ၊ ကားတာယာ၊ လျှပ်စစ်ပစ္စည်းနှင့် စိုက်ပျိုးရေးထွက်ကုန်များဖြစ်သည့် ဆန်၊ သီဟိုဠ်စေ့၊ ရော်ဘာ အစေး၊ ပီလောပီနံ၊ ဒူးရင်းနှင့် ငှက်ပျောသီးတို့ ပါဝင်သည်။
Source: Khmer Times
DOCA (ရန်ကုန်)