နယူးဇီလန်နိုင်ငံ၏ စီးပွားရေးသည် ၂၀၂၅ ခုနှစ်ဇွန်လ သုံးလပတ်တွင် ၀.၉ ရာခိုင်နှုန်း ကျဆင်းခဲ့ပြီး ယခင်သုံးလပတ်က ၀.၉ တိုးတက်မှုကိုပြောင်းပြန်လှန်ခဲ့ကြောင်း စာရင်းအင်းဌာနက စက်တင်ဘာလ ၁၈ ရက်နေ့ကပြောကြားခဲ့ပါသည်။
စီးပွားရေးလုပ်ငန်းများကျဆင်းမှုသည် ကျယ်ပြန့်ပြီး စက်မှုလုပ်ငန်း ၁၆ ခုအနက် ၁၀ ခုကျ ဆင်းမှုများ ဖြစ်ပေါ်ခဲ့ကာ ကုန်ထုတ်လုပ်မှုနှင့် ဆောက်လုပ်ရေးလုပ်ငန်းများမှ ဦးဆောင်လျက်ရှိပါ သည်။ GDP သည် လွန်ခဲ့သော ၅ လ ပတ်အတွင်း ၄ လပတ်ကျဆင်းခဲ့ပါသည်။
ကုန်ပစ္စည်းထုတ်လုပ်သည့် စက်မှုလုပ်ငန်းသည် ၂.၃ ရာခိုင်နှုန်းကျဆင်းခဲ့ပြီး ကုန်ထုတ်လုပ် မှုတွင် ၃.၅ ရာခိုင်နှုန်း လျော့သွားကာ သယ်ယူပို့ဆောင်ရေး ပစ္စည်းများ၊ စက်ယန္တယားများနှင့် စက်ကိရိယာများ ထုတ်လုပ်မှုသည် ၆.၂ ရာခိုင်နှုန်းကျဆင်းသွား ကြောင်းသိရပါသည်။
အစားအသောက်၊ ယမကာနှင့်ဆေးရွက်ကြီးထုတ်လုပ်မှုသည် ၂.၂ ရာခိုင်နှုန်း ကျဆင်းခဲ့ပါ သည်။ ဆောင်လုပ်ရေးလုပ်ငန်းသည် ၂၀၂၅ ခုနှစ် မတ်လ ၃ လပတ်အတွင်း ၁.၂ ရာခိုင်နှုန်း တိုးတက် ခဲ့ပြီး ဇွန်လ ၃ လပတ်တွင် ၁.၈ ရာခိုင်နှုန်းကျဆင်းခဲ့ပါသည်။
အဓိကစက်မှုလုပ်ငန်းများ ၀.၇ ရာခိုင်နှုန်းကျဆင်းခဲ့ပြီး ဝန်ဆောင်မှုလုပ်ငန်းများသည် ဒုတိယ သုံးလပတ်တွင် အပြောင်းအလဲအနည်းငယ်သာ ရှိခဲ့ကြောင်းသိရပါသည်။ တစ်ဦးချင်း GDP သည် ၂၀၂၅ ခုနှစ် ဇွန်လသုံးလပတ်အတွင်း ၁.၁ ရာခိုင်နှုန်း ကျဆင်းခဲပါသည်။ နို့ထွက်ပစ္စည်း၊ အသားနှင့် အခြားစားသောက်ကုန်များတင်ပို့မှု အားနည်းခြင်းကြောင့် ပို့ကုန် ၁.၂ ရာခိုင်နှုန်းကျဆင်းခဲ့ကြောင်း stats NZ က ပြောကြားခဲ့ကြောင်း သိရှိရပါသည်။
Source : Xinhua
DOCA (ရန်ကုန်)