မြန်မာနိုင်ငံတွင် ဗမာကြက်သားရောင်းဝယ်ရေးသည် ကျေးလတ်နှင့် မြို့ပြဒေသများတွင် စီးပွားရေးလုပ်ငန်းတစ်ခု အဖြစ် အရေးပါပြီး အိမ်တွင်းမွေးမြူရေးလုပ်ငန်းနှင့် ကျေးရွာများ၌ ကြက်မွေးမြူရေးလုပ်ငန်းများအဖြစ် အဓိကလုပ်ကိုင်ကြကြောင်း၊ ကြက်သားရောင်းဝယ်ရေးတွင် ဗမာကြက်သား(သို့) ဒေသကြက်သားနှင့် စီပီကြက်သားဟူ၍ ရောင်းဝယ်လုပ်ကိုင်ကြကြောင်း၊ ဗမာကြက်သားသည် ဈေးကွက်တွင်လူကြိုက်များပြီး လတ််ဆတ်ချိုမြ၍ ရိုးရာစားသောက်ကုန် များနှင့် အိမ်ရှင်မများ ချက်ပြုတ်မှုတွင် ပိုမိုအသုံးပြုကြောင်း၊ မြင်းခြံမြို့ အေးမြသီတာဈေးရှိ အသားငါးတန်း၌ ၂၀၂၅ခုနှစ်၊ စက်တင်ဘာလတတိယပတ်၌ ဗမာကြက်သား အကောင်လိုက် လက်လီတစ်ပိဿာလျှင် (၂၈၀၀၀) ကျပ်၊ လက်ကား တစ်ပိဿာလျှင် (၂၆၀၀၀) ကျပ်ပေါက်ဈေး များရှိကြောင်း၊ ယခင်လ ဩဂုတ်လတတိယပတ်တွင် ရောင်းချနေသာ ဗမာကြက်သားလက်လီတစ်ပိဿာလျှင် (၃၀၀၀၀) ကျပ်၊ လက်ကားတစ်ပိဿာလျှင် (၂၇၀၀၀)ကျပ်ပေါက်ဈေး များဖြင့်ရောင်းချခဲ့ကြောင်း၊ ကာလတူနှိုင်းယှဉ်ပါက ယခင်လထက် ယခုလတွင် လက်လီတစ် ပိဿာလျှင် (၂၀၀၀)ကျပ်၊ လက်ကားတစ်ပိဿာလျှင် (၁၀၀၀) ကျပ်ခန့်ဈေးနှုန်းကျဆင်းခဲ့ကြောင်း၊ နေ့စဉ်အကောင်ရေ(၂၅-၃၀)ကောင်ခန့် ရောင်းချရကြောင်း၊ ဒေသတွင်းစားသုံးရန်နှင့် စားသောက် ဆိုင်များမှ အများဆုံးဝယ်ယူကြကြောင်း၊ ဓာတုဆေးဝါးနှင့် ဟော်မုန်းဆေးမပါသော သဘာဝ ဗမာကြက်သားရောင်းဝယ်ရေးလုပ်ငန်းသည် အရောင်းအဝယ်ဖြစ်လျက်ရှိကြောင်း၊ ဈေးကွက်တွင် ရောင်းချရန် ဗမာကြက်များကို ဒေသတွင်း ကျေးရွာများမှဝယ်ယူရကြောင်း ဗမာကြက်သား ရောင်းချသူတစ်ဦး၏ ပြောပြချက်အရသိရှိရသည်။
DOCA(မန္တလေး)