တနင်္သာရီတိုင်းဒေသကြီးသည် ပင်လယ်ကမ်းရိုးတန်းများတည်ရှိပြီး ပင်လယ်လုပ်ငန်းများဖြင့် အများဆုံး သက်မွေးဝမ်းကျောင်းပြုလုပ်သည့် တိုင်းဒေသကြီးလည်းဖြစ်ပါသည်။ ပင်လယ်ပြင်သို့ ငါးဖမ်းလှေ အကြီး/အငယ်များဖြင့် ငါး/ပုစွန်များ ဖမ်းယူပြီး ဒေသတွင်း ရောင်းဝယ်၊ စားသုံးကြသလို ပြည်ပသို့လည်းတင်ပို့ရောင်းချလျက်ရှိပါသည်။ ငါးဖမ်းလုပ်ငန်းများအား တစ်နိုင်တစ်ပိုင် လုပ်ကိုင်ကြ သောကြောင့် ရေထွက်ပစ္စည်းများမှာလည်း အလွန်ပေါများ၍ စျေးနှုန်းအားဖြင့်လည်း သင့်တော်ပါသည်။ အဆိုပါငါးဖမ်းလှေများမှ ဖမ်းဆီးရရှိသော ရေထွက်ပစ္စည်းများအနက် ထားဝယ်ခရိုင်၊ ထားဝယ်မြို့တွင် ရောင်းချလျက်ရှိသော ရေဘဝဲအလတ်ကောင်စျေးနှုန်းမှာ တစ်ပိဿာလျှင် ၃၀၀၀၀ ကျပ်ခန့်ရှိကြောင်း သိရှိရပါသည်။
DOCA(တနင်္သာရီ)