ကျွန်းလှမြို့နယ်အတွင်းရှိ ကျေးရွာများ နှင့် ကျွန်းလှမြို့ပေါ်ရပ်ကွက်များတွင် စိုက်ပျိုးရေး လုပ်ငန်းများကို လုပ်ကိုင်လျက်ရှိရာ နှစ်ရှည်သီးနှံပင်ဖြစ်သည့် သရက်သီးပင်၊ နဂါးမောက်သီးပင်၊ ပိန္နဲသီးပင်၊ သီးသီးပင်၊ ဂွေးသီးပင်၊ စောင်းလျှားသီးပင်၊ မန်ကျည်းသီးပင်၊ အုန်းသီးပင် နှင့် မာလကာသီးပင်များ ကိုလည်းစိုက်ပျိုးကြသည့်အနက် ဂွေးသီးပင်၊ သီးသီးပင် နှင့် စောင်းလျှားသီးပင်များ ကိုလည်း စိုက်ပျိုးလျက်ရှိကြောင်း သိရသည်။
၂၀၂၅ ခုနှစ်၊ စက်တင်ဘာလ စတုတ္ထပတ်အတွင်း ဖြစ်ပေါ်နေသော ကျွန်းလှမြို့၏ ဂွေးသီး ဈေးနှုန်းအနေဖြင့် ဂွေးသီး အကြီး တစ်လုံးလျှင်(၅၀)ကျပ်၊ ငွေကျပ်(၅၀၀)ဖိုး(၁၁)လုံး၊ အသေး တစ်လုံး လျှင်(၃၅)ကျပ်၊ ငွေကျပ်(၁၀၀)ဖိုးလျှင်(၃)လုံးဈေးနှုန်းတို့ဖြင့် လည်းကောင်း သီးသီးဈေးနှုန်း အနေဖြင့် သီးသီး အကြီး တစ်လုံးလျှင်(၁၀၀)ကျပ်၊ ငွေကျပ်(၂၀၀)ဖိုး(၃)လုံး၊ အသေး တစ်လုံးလျှင်(၅၀)ကျပ်၊ ငွေ ကျပ်(၁၀၀)ဖိုးလျှင်(၃)လုံး ဈေးနှုန်းတို့ဖြင့်လည်းကောင်း အလားတူပင် စောင်းလျှားသီး အကြီး တစ်လုံး လျှင်(၅၀)ကျပ်၊ ငွေကျပ်(၂၀၀)ဖိုး(၅)လုံး၊ အသေး တစ်လုံးလျှင်(၂၅)ကျပ်၊ ငွေကျပ်(၁၀၀)ဖိုး (၄)လုံး ဈေးနှုန်းတို့ဖြင့် အရောင်းအဝယ်ဖြစ်လျက်ရှိကြောင်း ဂွေးသီး၊ သီးသီး နှင့် စောင်းလျှားသီးများကို ကျောင်းမုန့်ဈေးဆိုင်တန်းမှ ဈေးသည်များ၊ အချဉ်ပေါင်းသည်များနှင့် ရပ်ကွက်ဈေးတန်းများတွင် ရောင်းချလျက်ရှိကြောင်း သိရသည်။
DOCA(စစ်ကိုင်း)