ပဲခူးတိုင်းဒေသကြီး၊ သာယာဝတီခရိုင်၊ အုတ်ဖိုမြို့နယ်အတွင်းရှိ ဆေးနှင့်ဆေးပစ္စည်းရောင်းချ သည့်ဆိုင်များတွင် ဆေးဝါးရောင်းချမှု စနစ်တကျရှိစေရန်နှင့် ဆေးဈေးနှုန်းများ၊ မှန်ကန်မှုရှိစေရန် အတွက် မြို့နယ်ကျန်းမာရေးဌာနမှ ဦးဆောင်လျက် စားသုံးသူရေးရာဦးစီးဌာန ၊တိုင်းရင်းဆေးဝါး ဌာန၊မြို့နယ်စည်ပင်သာယာရေးအဖွဲ့၊မြန်မာနိုင်ငံရဲတပ်ဖွဲ့တို့ ပူးပေါင်းလျက် ၁၉.၉.၂၀၂၅ ရက်နေ့၊ နေ့လယ် (၁၄:၀၀) နာရီအချိန်တွင် ဆေးဝါးအရောင်းဆိုင်များသို့ ဝင်ရောက်စစ်ဆေးမှု ဆောင်ရွက်ခဲ့ပါသည်။
ထိုသို့စစ်ဆေးရာတွင် ဆေးဝါးရောင်းချသည့်ဆိုင်များတွင် သက်တမ်းလွန်ဆေးဝါးများ ရောနှောရောင်းချမှုမပြုကြရန်၊ စပ်ဆေးတွဲဆေးများ(လုံး၀) ရောင်းချမှုမပြုကြရန်နှင့် မြန်မာစာ ကုန်အညွှန်းများပါမှသာရောင်းချရန်မှာကြားခဲ့ပြီးသက်ဆိုင်ရာ ဆေးအရောင်းဆိုင်များများမှ သိရှိကြောင်း လက်မှတ်ရေးထိုးခဲ့ပါသည်။ဆေးဆိုင်များတွင် ဆေးဝါးပြတ်လပ်မှု မရှိပုံမှန်ဈေးနှုန်းအတိုင်း ရောင်းချကြောင်း တွေ့ရှိခဲ့ပါသည်။
DOCA(ပဲခူး)