စားသုံးသူရေးရာဦးစီးဌာန၊ မြောက်ပိုင်းခရိုင်၊ တိုက်ကြီးမြို့နယ်ခွဲတာဝန်ခံ ဦးရှင်းခန့်ကိုကိုသည် မိတ်ဖက်ဌာနများနှင့်ပူးပေါင်း၍ (၂၄.၉.၂၀၂၅) ရက်နေ့တွင် တိုက်ကြီးမြို့နယ်၊ မြို့မဈေးအတွင်းရှိ စားအုန်းဆီလက်လီအရောင်းဆိုင်များသို့ ကွင်းဆင်းစစ်ဆေးခြင်း လုပ်ငန်းများ ဆောင်ရွက်ခဲ့ပါသည်။
ထိုသို့ဆောင်ရွက်ခဲ့ရာတွင် မြို့မဈေးမှ တာဝန်ရှိသူများလိုက်ပါလျက် စားအုန်းဆီလက်လီ အရောင်းဆိုင်သို့ ရောက်ရှိခဲ့ရာ သက်ဆိုင်ရာကိုယ်စားလှယ်များထံမှရရှိသောခွဲတမ်းအား ရပ်ကွက် နေပြည်သူများသို့ စာအုပ်စနစ်ဖြင့် အိမ်ထောင်စုတစ်စုလျှင် (၅၀)ကျပ်သားနှုန်းဖြင့် တစ်လကို (၂) ပိဿာနှုန်းဖြင့် ရပ်ကွက်အလိုက် စနစ်တကျရောင်းချပေးလျက်ရှိကြောင်း၊ ဈေးနှုန်းမြှင့်တင်ရောင်းချခြင်းမရှိဘဲ သတ်မှတ်ဈေးနှုန်းအတိုင်း ရောင်းချပေးကြောင်း၊ လက်ကျန်ထားရှိခြင်းမပြုလုပ်ဘဲ ရောင်းချပေးလျက်ရှိကြောင်း ကွင်းဆင်းစစ်ဆေးချက်အရ သိရှိရပါသည်။
ဆက်လက်၍ တိုက်ကြီးမြို့နယ်ခွဲတာဝန်ခံ က သိုလှောင်ထားခြင်းများရှိခဲ့လျှင် ကုန်စည်နှင့်ဝန်ဆောင်မှုဥပဒေအရ အရေးယူဆောင်ရွက်သွားမည် ဖြစ်ကြောင်းအသိပညာပေးပြောကြားခဲ့ပါသည်။
DOCA (ရန်ကုန်)