၂၀၂၅-၂၀၂၆ ခုနှစ်၊ မိုးသီးနှံစိုက်ပျိုးရာသီတွင် ရှမ်းပြည်နယ်(အရှေ့ပိုင်း)၌ ငရုတ် (၁၀၄၃) ဧက စိုက်ပျိုးရန်လျာထားပြီး မေလမှ စတင်စိုက်ပျိုးခဲ့ရာတွင် ကျိုင်းတုံခရိုင်၊ ကျိုင်းတုံမြို့၌ ငရုတ် (၄၉၇) ဧက၊ မိုင်းခတ်မြို့၌ ငရုတ် (၂၅၅) ဧက၊ မိုင်းပျဉ်းမြို့၌ ငရုတ် (၂၉၅) ဧက စုစုပေါင်း (၁၀၄၇) ဧက စိုက်ပျိုးခဲ့ပြီး ဩဂုတ်လမှ ယခု စက်တင်ဘာလ (၁၅) ရက်နေ့ထိ ငရုတ်သီးနှံ ရိတ်သိမ်းခဲ့ရာတွင် ကျိုင်းတုံမြို့ (၆၀) ဧက၊ မိုင်းခတ်မြို့ (၂၅၅) ဧက၊ စုစုပေါင်း (၃၁၅) ဧက ရိတ်သိမ်းပြီးစီးကြောင်း စိုက်ပျိုးရေးဦးစီးဌာန၏ (၁၅.၉.၂၀၂၅) ရက်နေ့ထိ စာရင်းအရ သိရှိရပါသည်။
ကျိုင်းတုံခရိုင်၌ ဒေသနှင့်ကိုက်ညီပြီး အရေအသွေးကောင်း ဒေသမျိုးများ အဓိကထား စိုက်ပျိုး ကြကြောင်း သိရှိရပါသည်။ အဆိုပါ ငရုတ်စိုက်ပျိုးသည့် တောင်သူများမှာ တစ်ဧက အထွက်နှုန်း တိုးတက်စေရန် မျိုးကောင်း၊ မျိုးသန့် ထုတ်လုပ်သုံးစွဲရေးအတွက် မြေပြုပြင်ခြင်း (ပျိုးခင်း)၊ မြေပြုပြင်ခြင်း (စိုင်းခင်း)၊ စိုက်ပျိုးခြင်း၊ စိုက်ခင်းထိန်းသိမ်းခြင်း၊ အပင်ပြုစုခြင်း၊ ရိတ်သိမ်းခြင်း၊ သွင်းအားစုများ စုစုပေါင်း တစ်ဧက ကုန်ကျစရိတ်မှာ (၁၈) သိန်းကျော် ခန့် ကုန်ကျကြောင်း တောင်သူကြီးများထံမှ သိရှိရပါသည်။
ယခု ၂၀၂၅ ခုနှစ်တွင် ငရုတ် တစ်ဧကအထွက်နှုန်းမှာ ပိဿာချိန် (၇၇၀) ခန့် ထွက်ရှိကြောင်း သိရပါသည်။ ယခု ငရုတ် တစ်ပိဿာလျှင် (၅) ထောင်ကျပ် ခန့်မှန်းပေါက်ဈေးအရောင်းအဝယ်ရှိပြီး ငရုတ် ပိဿာချိန် (၇၇၀) ကို (၅) ထောင်ကျပ်နှုန်းဖြင့်ရောင်းလျှင် (၃၈) သိန်းကျော်ခန့်ရရှိကာ တစ်ဧက၏ အထွေထွေကုန်ကျစရိတ် (၁၈) သိန်းကျော်ခန့်နှုတ်လျှင် ငရုတ်စိုက် တောင်သူများ အနေဖြင့် ငရုတ် တစ်ဧကစိုက်လျှင် (၁၅) သိန်းကျော်ခန့် အမြတ်အစွန်းရရှိမည်ဖြစ်ကြောင်း သိရှိရ ပါသည်။
DOCA(ရှမ်း)