မြန်မာနိုင်ငံစားသုံးသူကာကွယ်ရေးကော်မရှင် အတွင်းရေးမှူး စားသုံးသူရေးရာဦးစီး ဌာန၊ ညွှန်ကြားရေးမှူးချုပ် ဦးခင်မောင်လှိုင်မှ ခရိုင်စားသုံးသူရေးရာကော်မတီများ ဖွဲ့စည်းပေးခြင်းနှင့် လုပ်ငန်းတာဝန်များကို ဥပဒေ၊ နည်းဥပဒေများနှင့် အညီဆောင်ရွက်နိုင်ရေး၊ ရှင်းလင်းဆွေးနွေးခြင်း အခမ်းအနားအား Virtual စနစ်ဖြင့် (၁၈.၉.၂၀၂၅)ရက်နေ့တွင် ကျင်းပကြောင်း သိရှိရပါသည်။
မြန်မာနိုင်ငံစားသုံးသူကာကွယ်ရေးကော်မရှင်က ဖွဲ့စည်းအတည်ပြုထားသည့် ခရိုင်စားသုံးသူ ရေးရာကော်မတီ(၁၀)ခု၊ မြန်မာနိုင်ငံစားသုံးသူကာကွယ်ရေးကော်မရှင်သို့ ဖွဲ့စည်းခြင်း အတည်ပြု ချက်ရယူထားသော ခရိုင်စားသုံးသူရေးရာကော်မတီ(၂၁)ခုတို့ စုံလင်စွာ တက်ရောက်ကြောင်း သိရှိရပါသည်။
ဆွေးနွေးပွဲတွင် မြန်မာနိုင်ငံ စားသုံးသူကာကွယ်ရေးကော်မရှင် အတွင်းရေးမှူးမှ သက်ဆိုင်ရာ ကော်မတီများဖွဲ့စည်း၍ စားသုံးသူကာကွယ်ရေးလုပ်ငန်းများ အရှိန်အဟုန်မြှင့် ဆောင်ရွက်နိုင်ရန် အမှာစကားပြောကြားပြီး စားသုံးသူရေးရာဦးစီးဌာန ညွှန်ကြားရေးမှူးများမှ ခရိုင်စားသုံးသူရေးရာ ကော်မတီလုပ်ငန်းတာဝန်များနှင့် ကော်မတီအစည်းအဝေးများကျင်းပနိုင်ရေး Power Pointများဖြင့် ရှင်းလင်းဆွေးနွေးပါသည်။
ခရိုင်စားသုံးသူရေးရာကော်မတီဥက္ကဌများနှင့် အဖွဲ့ဝင်များစုံညီစွာ တက်ရောက်ကြပြီး အပြန် အလှန်ဆွေးနွေးခြင်းများ ဆောင်ရွက်၍ ကချင်ပြည်နယ်မှ ခရိုင်စားသုံးသူရေးရာကော်မတီ(၂)ခု၊ ကရင်ပြည်နယ်မှ(၁)ခု၊ စစ်ကိုင်းတိုင်းဒေသကြီးမှ(၄)ခု၊ ပဲခူးတိုင်းဒေသကြီးမှ(၃)ခု၊ ဧရာဝတီတိုင်းဒေသကြီးမှ(၆)ခု၊ တနင်္သာရီတိုင်းဒေသကြီးမှ(၂)ခု၊ မကွေးတိုင်းဒေသကြီးမှ(၃)ခု၊ မန္တလေးတိုင်းဒေသ ကြီးမှ(၃)ခု၊ မွန်ပြည်နယ်မှ(၂)ခုနှင့် ရှမ်းပြည်နယ်မှ(၅)ခု စုစုပေါင်း ခရိုင်စားသုံးသူရေးရာကော်မတီ (၃၁)ခု တက်ရောက်ဆွေးနွေးကြကြောင်း သတင်းရရှိပါသည်။
DOCA(ရှမ်း)