စားသုံးသူရေးရာဦးစီးဌာန၊ မအူပင်ခရိုင်ဦးစီးမှူးရုံး ပန်းတနောမြို့နယ်ရှိ ဦးခိုင်လွမ်းမိုးနှင့် ဝန်ထမ်းများသည် ၂၃.၉.၂၀၂၅ နေ့ (၁၂း၀၀) နာရီချိန်အထိ မိတ်ဖက်ဌာန တိုင်းရင်းဆေးပညာဦးစီးဌာနနှင့် ပူးပေါင်း၍ ပန်းတနော်ရွာမ (အ.မ.က) ကျောင်းရှိ ကျောင်းသား/ကျောင်းသူ (၁၆၉)အား စားသုံးသူကာကွယ်ရေးသိကောင်းစရာ အသိပညာပေးဟော ပြောပွဲကျင်းပပြုလုပ်ခဲ့ကြောင်း သိရပါသည်။
အဆိုပါဟောပြောပွဲတွင် ကျောင်းအုပ်ဆရာကြီးက အဖွင့်အမှာ စကားပြောကြားပြီး ပူးပေါင်းပါဝင်သော တိုင်းရင်းဆေးပညာဦးစီးဌာနကလည်း ၎င်းဌာန၏ လုပ်ငန်းဆောင် ရွက်ချက်များနှင့် အသိပညာပေးလုပ်ငန်းများအကြောင်းကို ဟောပြောဆွေးနွေးခဲ့ကြပါသည်။
စားသုံးသူရေးရာဦးစီးဌာနမှ ဦးအောင်ကျော်သက်က ဟောပြောဆွေးနွေးရာတွင် စားသုံးသူအခွင့်အရေး၊ စီးပွားရေးလုပ်ငန်းရှင်၏ လိုက်နာရမည့်တာဝန်များ၊ ကုန်အညွှန်း အမှတ်အသား၏ အရေးကြီးပုံ၊ ကုန်စည်ဝန်ဆောင်မှုကို စားသုံးသူမှ စိတ်ကြိုက်ရွေးချယ်ဝယ်ယူတက်စေရန်နှင့် နစ်နာမှုရှိလာပါက စားသုံးသူရေးရာဦးစီးဌာနသို့ တိုင်ကြားနိုင်သည့် နည်းလမ်းများ၊ ပြစ်မှု၊ ပြစ်ဒဏ်များနှင့်စားသုံးသူကာကွယ်ရေး ဥပဒေကို လေးစားလိုက်နာပါက ဘေးကင်းသော အစားအစာများကို ရွေးချယ်ဝယ်ယူစားသုံးနိုင်မည်ဖြစ်ကြောင်း ဟောပြောဆွေးနွေးပြီး ဟောပြောပွဲတွင် ကျောင်းသား/ ကျောင်းသူများက သိရှိလိုသည်များမေးမြန်းကြရာ ပြန်လည်ရှင်းလင်းဖြေကြားခဲ့ပြီး စားသုံးသူကာကွယ်ရေးအသိပညာပေး လက်ကမ်းစာ စောင်ဖြန့်ဝေခဲ့ကြောင်း သတင်းရရှိပါသည်။
DOCA(ဧရာဝတီ)