တောင်ငူခရိုင်အတွင်းရှိ ဆင်ဆိပ်ကျေးရွာအုပ်စု၊ ညောင်ကိုင်းကျေးရွာနေပြည်သူများသည် စိုက်ပျိုးရေးကို အဓိကထား လုပ်ကိုင်ကြသော်လည်း မိမိတို့အိမ်တွင် အပိုဝင်ငွေရရှိအောင် ကြက်နှင့်ဘဲ များကို မွေးမြူကြသေးသည်။ကြက်နှင့်ဘဲများ မွေးမြူရာတွင် အစာအဖြစ် ခက်ခဲမှုမရှိပဲ စရိတ်စခ သက်သာစေသည်။
အိမ်ရှင်မများသည် မိသားစုစားသောက်ရန် တစ်နေ့တာ ဟင်းလျာများကို စဉ်းစားရသည်မှာ အမှန်ပင်ဖြစ်ပေသည်။ အချိန်ကုန်သက်သာစေပြီး ချက်ပြုတ်ရာတွင် လွယ်ကူစေသော ကြက်ဥနှင့် ဘဲဥများကို လွယ်လင့်တကူပြေးမြင်မိသည်။ ကြက်ဥနှင့်ဘဲဥများကို ကြော်စားခြင်း၊ပြုတ်စားခြင်း၊ ချက်စားခြင်းဖြင့် နှစ်သက်ရာ စားသုံးနိုင်သည်။ အိမ်ကြက်ဥအလုံးအကြီးအသေးပေါ် မူတည်၍ ၁၀ လုံး လျှင် ၅၀၀၀ ကျပ်မှ ၆၀၀၀ ကျပ်ဖြင့် ရောင်းချပြီး၊ ဘဲဥ အလုံးအကြီးအသေးပေါ်မူတည်၍ ၁၀ လုံးလျှင် ၄၅၀၀ ကျပ် မှ ၅၀၀၀ကျပ်ဖြင့် ကျေးရွာအတွင်းရှိ အိမ်ရှင်မများအား ရောင်းချလျက်ရှိပြီး မိသားစုအတွက် အပိုဝင်ငွေရရှိနေကြောင်း သိရှိရသည်။
DOCA(ပဲခူး)