၂၀၂၅ခုနှစ်၊ စက်တင်ဘာလအတွင်း ဒေသထွက်ကုန်လုပ်ငန်းရှင်များနှင့်တွေ့ဆုံဆွေးနွေးခြင်း ဆောင်ရွက်နိုင်မှုအခြေအနေ

  စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ မကွေးတိုင်းဒေသ ကြီး၊ တိုင်းဒေသကြီးဦးစီးမှူး၏လမ်းညွှန်မှု၊ ခရိုင်ဦးစီးမှူး၏ ကြီးကြပ်မှုဖြင့် ပခုက္ကူခရိုင်ဦးစီးမှူးရုံးမှ ဒု-ခရိုင်ဦးစီးမှူးနှင့်ဝန်ထမ်းများသည် ထုတ်ကုန်များလုံခြုံစိတ်ချရမှုရှိစေရေး၊ ကုန်စည်များတွင် ကုန် အညွှန်းအမှတ်အသားများ ပြည့်စုံစွာထည့်သွင်းဖော်ပြထားခြင်း ရှိ/မရှိ၊ စားသုံးသူများ နေ့စဉ် အသုံး ပြုလျက်ရှိသော ကုန်စည်နှင့်ဝန်ဆောင်မှုများဘေးအန္တရာယ်ကင်းရှင်းပြီး လုံခြုံစိတ်ချရမှုရှိ စေရန် ရည်ရွယ်၍ ကုန်စည်များကို သတ်မှတ်စံချိန်စံညွှန်းများ၊ ညွှန်ကြားချက်များနှင့် ကိုက်ညီမှု ရှိ/မရှိဈေးကွက် စောင့်ကြည့်စစ်ဆေးခြင်းများကို ဆောင်ရွက်လျက်ရှိသည့်အပြင် ဒေသတွင်း ထုတ် လုပ်သည့် အဓိကဒေသထွက်ကုန်များ၏ ထုတ်လုပ်မှုပမာဏ၊ စားသုံးသူလက်ခံသုံးစွဲနိုင်သော အရည် အသွေးအပါအဝင် ဖြန့်ဖြူးရောင်းချမှု အခြေအနေများအား ဒေသတွင်းထွက်ကုန်များ ထုတ်လုပ် သည့် လုပ်ငန်းရှင်များနှင့်လည်း သွားရောက် တွေ့ဆုံခဲ့ခြင်းများ ဆောင်ရွက်လျက်ရှိပါသည်။

  ၂၀၂၅ ခုနှစ်၊ စက်တင်ဘာလအတွင်း ဒု-ခရိုင်ဦးစီးမှူးနှင့် ဝန်ထမ်းများသည် ပခုက္ကူမြို့နှင့် ဆိပ်ဖြူမြို့ရှိ ဒေသတွင်းထွက်ကုန်များ ဖြစ်သည့်ချည်ထည်၊ ဇီးဖျော်ရည်၊ ပုန်းရည်ကြီး၊ နှမ်းဖတ်ချဉ်၊ အုန်းမှန်ကူ၊ မြေပဲဆားလှော်၊ ပဲကြော်၊ ပဲလှော် လုပ်ငန်းရှင်များနှင့်တွေ့ဆုံ၍ ဒေသတွင်း ထွက်ကုန် တစ်မျိုးချင်းအမယ်များ၏ ထုတ်လုပ်မှုပမာဏ၊ စားသုံးသူလက်ခံသုံးစွဲနိုင်သော အရည်အသွေးအပါ အဝင် ဖြန့်ဖြူးရောင်းချမှု အခြေအနေ များအား မေးမြန်းဆွေးနွေးခဲ့ပြီး ထိုသို့တွေ့ဆုံမေးမြန်းခြင်း၊ မှတ်တမ်းပြုစုခြင်းဖြင့် ဘေးအန္တရာယ်ဖြစ်စေမည့်ကုန်စည်များ ဈေးကွက်အတွင်းမှ ကာကွယ်တားဆီ နိုင်မည်ဖြစ်ကြောင်း၊ သို့မှသာ စားသုံးသူများအတွက် ကုန်စည်နှင့်ဝန်ဆောင်မှုများ ဘေးအန္တရာယ် ကင်းရှင်းပြီး ထုတ်ကုန်လုံခြုံစိတ်ချရမှုရှိလာမည်ဖြစ်ကြောင်း အသိပညာပေးတွေ့ဆုံမေးမြန်းခြင်း များ ဆောင်ရွက်ခဲ့ကြောင်း သိရှိရပါသည်။

DOCA(မကွေး)