မန္တလေးမြို့ရှိ ကိုင်းတန်းဈေးနှင့် (၄၁) လမ်းဈေးတို့တွင် မုံရွာနှင့်စစ်ကိုင်းဒေသတို့မှ ထွက်ရှိကြသည့် ကင်းပုံသီးများ အရောင်းသွက်လျက်ရှိသည်။ ကင်းပုံသိးသည် သဘာဝအလျောက် ခြုံနွယ်များတွင် အလေ့ကျပေါက်သော်လည်း ယခုတွင်မူ ကင်းပုံသီးကို စီးပွားဖြစ်စိုက်ပျိုးလာကြသည်။ ကင်းပုံသီးမှာ အချိုသီးနှင့် အခါးသီးဟု(၂)မျိုးရှိပြီး အခါးမျိုးမှာဆေးဖက်ဝင်သည့်အတွက် အရောင်းပို၍သွက်ပြီး ဟင်းလျာအဖြစ် မျှစ်၊ နွားနို့တို့ဖြင့်လည်း ချက်စာကြပါသည်။ ကင်းပုံသီးသည် အဝလွန်ခြင်းကို ကာကွယ်ပေးနိုင်ပြီး အဆီဆဲလ်မဖြစ်ခင်အခြေအနေမှာ ကြိုတင်တားဆီးပေးခြင်းကြောင့် ဇီဝ ဖြစ်စဉ်နှုန်းကိုပိုမိုမြန်စေပြီး သွေးတွင်းသကြားဓါတ်ကို လျော့ကျစေကြောင်း လေ့လာချက်များအရတွေ့ရှိရပါသည်။ ကင်းပုံသီးကိုအထုတ်အလုံး(၁၀၀)သို့မဟုတ်ပြည်ချိန်ဖြင့် ဝယ်ယူကြပြီ၊ မြို့နယ်ရှိရပ်ကွက်ဈေးကလေးများတွင် လက်လီရောင်းချကြသည်။ ကင်းပုံသီး (၁၀)လုံးလျင် (၅၀၀)ကျပ်၊ (၂၅) လုံးလျင် (၁၀၀၀)ကျပ်တို့ဖြင့်ရောင်းချကြောင်း သိရှိရပါသည်။
DOCA(မန္တလေး)