ရွှေဖရုံသီး၏အရောင်သည် ရွှေရောင်ကဲ့သို့ ဝင်းဝါနေပြီး အရသာအနည်းငယ်ချိုသည်။ မချက် ပြုတ်မီ အသားမာကျောသော်လည်း အပူပေးချက်ပြုတ်ပြီးနောက် အလွန်နူးညံ့သည်။ အသီး သာမက အပင်၏ အရွက်၊ အညွန့်၊ အပွင့်နှင့်အစေ့တို့ကိုလည်း စားသုံးနိုင်သည်။ ထားဝယ်မြို့ပတ်ဝန်းကျင် ကျေးရွာများရှိ ဥယျာဉ်ခြံမျာ၊ လယ်ကွင်း၊ စိုက်ပျိုးခြံများတွင် မိသားစုစီးပွားရေး လုပ်ငန်းများ အဖြစ် တစ်နိုင်တစ်ပိုင်စိုက်ပျိုးကြပြီး ထွက်ရှိလာသောအသီးများကို ကုန်စိမ်းသည်များသို့ဖောက်သည်ပေး ကာ ထိုမှတဆင့်အနီးအနားရှိဈေးများတွင် ပြန်လည်ရောင်းချကြပြီး ထားဝယ်မြို့ ကမ်းနားပျံကျစျေး၊ စည်ပင်သာယာစျေးကြီး၊ ရပ်ကွက်ကျေးရွာစျေးများနှင့်ညနေစျေးများတွင် ရောင်းချနေသော စျေးနှုန်း များအရ တစ်စိတ်လျှင်(၁၂၀၀)ကျပ်၊ တစ်လုံးလျှင်(၄၅၀၀)ကျပ်အသီးသီးရှိကြောင်း ရောင်းချသူများ ထံမှသိရှိရပါသည်။
DOCA(တနင်္သာရီ)