ပြည်ဈေးကွက်တွင် အောက်တိုဘာလဆန်းပိုင်းတွင် နှမ်းဈေးများ ကျဆင်းလာသည်ကို တွေ့ရှိရပါသည်။ ကံမ၊ မြန်အောင် နှင့် ဥသျှစ်ပင်ဘက်မှ တစ်နေ့လျင် နှမ်းအိတ် (၁၀၀၀)ခန့် ဝင်ရောက်မှုရှိပြီး နှမ်းနက်ကို မန္တလေးဝယ်လက်များက တရုတ်ပြည်သို့ တင်ပိုရန်အတွက် ဝယ်ယူမှုရှိသလို နှမ်းနီကိုဆီစက်များကအဝယ်ရှိနေသော်လည်း နှမ်းဈေးမှာ ကျလာသည်ကို တွေ့ရှိရပါသည်။ ယခင် စက်တင်ဘာလတတိယပတ်တွင် ပြည်ဈေးကွက်တွင် ဖြစ်ပေါ်လျက်ရှိသော နှမ်းဈေးများမှာ နှမ်းနီ(၃)တင်း တစ်အိတ်လျှင် (၂၆၀၀၀၀)ကျပ်၊ နှမ်းနက်(၃)တင်း တစ်အိတ်လျှင် (၂၈၀၀၀၀)ကျပ်နှင့် စမုံနက်နှမ်း (၃)တင်း တစ်အိတ်လျှင် (၃၂၀၀၀၀)ကျပ်ဈေးဖြစ်ခဲ့ပြီး ယခု အောက်တိုဘာလဆန်းတွင် နှမ်းနီ(၃) တင်း တစ်အိတ်လျှင် (၂၄၅၀၀၀)ကျပ်ဖြင့် ယခင်လကထက် ၁၅၀၀၀ကျပ် ခန့်ဈေးကျလာပြီး၊ နှမ်းနက် (၃)တင်းတစ်အိတ်လျှင် (၂၇၀၀၀၀)ကျပ်ဖြင့် ယခင်လ ကထက် (၁)သောင်းကျပ် နှင့် စမုံနက် (၃)တင်းတစ်အိတ်လျှင် (၃၀၀၀၀၀)ကျပ်ဖြင့် ယခင်လ ကထက် (၂)သောင်းကျပ်ခန့် ဈေးကျလာသည်ကို တွေ့ရှိရပါသည်။
DOCA(ပဲခူး)