ပြည်မြို့ မြို့မစည်ပင်သာယာဈေးကြီးတွင် ရောင်းချနေသော ငါးခြောက်များကို ရခိုင် ပြည်နယ်၊ တောင်ကုတ်မြို့မှ အများဆုံးဝင်ရောက်လာပြီး၊ ပုသိမ်ဘက်မှဝင်ရောက်လာသော ငါးခြောက်များလည်းရှိကြောင်း သိရှိရပါသည်။ ဈေးကွက်တွင်ရောင်းချလျက်ရှိသော ငါးခြောက် ဈေးများ အနေဖြင့် ငါနီတူ(အသေး)တစ်ပိဿာလျှင် ၈၀၀၀ကျပ်၊ ငါးနီတူ(အကြီး)တစ်ပိဿာလျှင် ၁၀၀၀၀ ကျပ်၊ ငါးတံခွန်ခြောက် တစ်ပိဿာလျှင် ၉၀၀၀ကျပ်၊ အာပြဲခြောက်အကောင်သေး တစ်ပိဿာလျှင် ၁၂၀၀၀ကျပ်၊ အကောင်ကြီးတစ်ပိဿာလျှင် ၁၆၀၀၀ကျပ်၊ ငါးပုတ်လုံးခြောက် တစ်ပိဿာလျှင် ၉၀၀၀ကျပ်၊ ငါးပုတ်သင်ခြောက် (အသေး)တစ်ပိဿာလျှင် ၁၅၀၀၀ကျပ်၊ (အကြီး)တစ်ပိဿာလျှင် ၁၇၀၀၀ကျပ်၊ ငါးအုန်းရွှေဝါခြောက် တစ်ပိဿာလျှင် ၁၈၀၀၀ကျပ်၊ ငါးအုန်းကျီးကန်းခြောက် တစ်ပိဿာလျှင် ၁၅၀၀၀ ကျပ် ၊ ငါးရံခြောက်တစ်ပိဿာလျှင် ၃၅၀၀၀ ကျပ်ရှိပြီး သီတင်းကျွတ် ကာလဖြစ်သောကြောင့် အရောင်းအဝယ်ကောင်းလျက်ရှိကြောင်း သိရှိရပါသည်။
DOCA(ပဲခူး)