ကန်စွန်းရွက်သည် လူအတန်းအစားမရွေးကြိုက်နှစ်သက်သော အရွက်တစ်မျိုးဖြစ်ပြီးရေ ရ ရှိသောနေရာများတွင် လွယ်ကူစွာပေါက်ရောက်ရှင်သန်နိုင်သည်။ ကန်စွန်းရွက်များကို လယ် ကန် သင်း၊လယ်ကွက်၊ အင်းအိုင်၊ ချောင်းမြောင်းနှင့်အခြားရေရရှိသော နေရာများတွင်သဘာဝ အလျောက် ပေါက်ရောက်မှုများမှရရှိနိုင်သလို တစ်နိုင်တစ်ပိုင်သော်လည်းကောင်း၊ စီးပွား ဖြစ်သော်လည်းကောင်း သီးသန့်စိုက်ပျိုးခြင်းများမှလည်း ထွက်ရှိကြ၍ရာသီချိန်ခါမရွေး စားသုံး ရသောသီးနှံတစ်မျိုးဖြစ်ပါ သည်။ ကန်စွန်းရွက်မှာ ဗမာကန်စွန်းရွက်နှင့် တရုတ်ကန်စွန်း ရွက် (စိုက်ပျိုးရေး)ဟူ၍ အများအားဖြင့် သိရှိကြပြီး ဗမာကန်စွန်းရွက်ကို ကြိုက်နှစ် သက်မှုများ သော်လည်း မိုးတွင်းရာသီကာလမှသာ အများဆုံးထွက်ပေါ်ရရှိသဖြင့် စိုက်ပျိုးရေး ကန်စွန်း ရွက်ကိုသာ အားပြုစားသုံးကြပါသည်။ မြင်းခြံမြို့နယ် အတွင်းရှိ ကျေးရွာများတွင် ကန်စွန်း ရွက်များကို စိုက်ပျိုးကြကြောင်းသိရှိရပါသည်။ ၂၀၂၅-ခုနှစ်၊ အောက်တိုဘာလဒုတိယပတ်အတွင်း ကန်စွန်းရွက်(၁)စည်းလျှင်(၁၀၀)ကျပ်၊ ကန်စွန်း(၆)စည်းလျှင်(၅၀၀)ကျပ် ဖြင့်ရောင်းချကြောင်း၊ ကန်စွန်းရွက်များကိုအိမ်ရှင်မများ ဟင်းချက်ရာတွင်လည်းကောင်း၊ စားသောက်ဆိုင်များနှင့် အထောင်းစုံရောင်းချသော ဆိုင်များမှလည်းကောင်း ဝယ်ယူကြသဖြင့် ကန်စွန်းရွက်များ အရောင်းအဝယ် သွက်လျက်ရှိကြောင်း ကုန်စိမ်းရောင်းချသူတစ်ဦးထံမှ သိရှိ ရသည်။
DOCA(မန္တလေး)