ထိုင်းနိုင်ငံကုန်စည်ပို့ဆောင်ရေးလုပ်ငန်းရှင်များကောင်စီ (TNSC) က ၂၀၂၅ ခုနှစ်၏ စတုတ္ထ ၃ လပတ်ကာလတွင် နှေးကွေးရန်အလားအလာရှိသော်လည်း ယခုနှစ်တွင် နိုင်ငံ၏တင်ပို့မှု သည် ၅ ရာခိုင်နှုန်းမြင့်တက်နိုင်မည်ဟု ယုံကြည်မှုရှိနေကြောင်း သိရပါသည်။ ကောင်စီ၏ ဥက္ကဌ ဖြစ်သူ Dhanakorn Kasetrsuwan က၂၀၂၅ ခုနှစ်၏ ပထမ ၈ လတွင် စုစုပေါင်းတင်ပို့မှုတန်ဖိုးမှာ အမေရိကန်ဒေါ်လာ ၂၂၃.၂ ဘီလီယံဖြင့် ၁၃.၃ ရာခိုင်နှုန်းမြင့်တက်ခဲ့ပြီး တင်သွင်းမှုမှာ အမေရိကန် ဒေါ်လာ ၂၂၄.၉ ဘီလီယံဖြင့် ၁၁.၃ ရာခိုင်နှုန်းမြင့်တက်ခဲ့ကြောင်း သိရပါသည်။ ပထမနှင့် ဒုတိယ ၃ လပတ်ကာလများတွင်ကြီးထွားမှုအားကောင်းခဲ့သောကြောင့် ကောင်စီသည် ယခုနှစ်အတွက် ပို့ကုန်ကြီးထွားနှုန်းကို ၃ မှ ၅ ရာခိုင်နှုန်းကြားရရှိမည်ဟု ယုံကြည်ချက်ရှိနေကြောင်း သိရပါသည်။ သို့သော်အဖွဲ့ဝင်များကယခုနှစ်လက်ကျန်ကာလနှင့် ၂၀၂၆ အတွင်းတင်ပို့မှုကိုသက်ရောက်စေသည့် များစွာသောစွန့်စားရမှုများကို စောင့်ကြည့်နေကြောင်း သိရပါသည်။ အဓိကတစ်ချက်မှာ ကမ္ဘာလုံးဆိုင်ရာစီးပွားရေးကိုမတည်မငြိမ်ဖြစ်စေသည့် အမေရိကန်၏အကောက်ခွန်များဖြစ်ကြောင်း သိရပါသည်။ အခြားစိုးရိမ်စရာများတွင် ဘတ်ငွေတန်ဖိုးတက်ခြင်း၊ အသေးစားစီးပွားရေး လုပ်ငန်းများအတွက် ချေးငွေရရှိမှုအကန့်အသတ်ရှိနေခြင်းနှင့် တင်ပို့မည့်ကုန်ပစ္စည်းများ ထုတ်လုပ်ခြင်းအတွက် ကုန်ကြမ်းပစ္စည်းများရှားပါးခြင်းတို့ဖြစ်ကြောင်း သိရပါသည်။ Mr Dhanakorn က ပို့ကုန်လုပ်ငန်းရှင်များ ကုန်ကျစရိတ်ကန့်သတ်နိုင်ရန်ကူညီပေးမည့် ဒေသတွင်း ငွေကြေးများနှင့်ချိန်ညှိနိုင်မည့် ဘတ်ငွေတည်ငြိမ်မှုကို အဓိကထားဆောင်ရွက်နေသည့် အစိုးရအပေါ် ကောင်စီကအသိအမှတ်ပြုကြောင်းနှင့် ဘတ်ငွေကို တစ်ဒေါ်လာလျှင် ၃၃ မှ ၃၄ ဘတ်ကြား တန်ဖိုးရှိရန် မျှော်လင့်ကြောင်း ပြောကြားခဲ့ပါသည်။ TNSC က အစိုးရကို စီးပွားရေးလည်ပတ်မှု ကုန်ကျစရိတ်များ လျှော့ချပေးရန် တောင်းဆိုထားကြောင်း သိရပါသည်။ ၎င်းတို့တွင် အတိုးနှုန်း မူဝါဒများပြန်လည်ဆန်းစစ်ရန်၊ စီးပွားရေးဘဏ်ချေးငွေနှုန်းများ၊ လုပ်သားနှင့် စွမ်းအင်ကုန်ကျ စရိတ်တို့ပါဝင်ကြောင်း သိရပါသည်။ ကောင်စီကအစိုးရကို ဥပဒေသစ်များဆွေးနွေးရာတွင် ရှု့ထောင့်အားလုံးမှ စဉ်းစားနိုင်ရန်အတွက် ပုဂ္ဂလိကကဏ္ဍမှ ကိုယ်စားလှယ်များပါဝင်ရန် တောင်းဆိုခဲ့ကြောင်း သိရပါသည်။ အလားအလာရှိသော်လည်း မတည်ငွေကင်းမဲ့နေသည့်SME လုပ်ငန်းများကို ပံ့ပိုးရန်အတွက် ကောင်စီက ပူးတွဲရင်းနှီးမြှုပ်နှံမှု ဘဏ္ဍာငွေချမှတ်ရန် အကြံပြုခဲ့ကြောင်း သိရပါသည်။ ထို့ပြင်ကောင်စီက အစိုးရကို ထောင်ပံ့ပို့ဆောင်ရေးကိစ္စရပ်များ အထူးသဖြင့် Laem Chabang ဆိပ်ကမ်းတွင် ပိတ်ဆို့မှုကိုဖြေရှင်းရန် တောင်းဆိုခဲ့ကြောင်း သိရှိရပါသည်။
Bangkok Post
DOCA (ရန်ကုန်)