ပဲခူးတိုင်းဒေသကြီး၊ ရွှေတောင်မြို့နယ်၊ ဆင်မြီးဆွဲအုပ်စု၊ ညောင်ဝိုင်းရွာသစ်ရှိ တောင်သူ ဦးမျိုးအောင်၏ ဝါးဥစိုက်ခင်းသို့ (၁၃.၁၀.၂၀၂၅)ရက်နေ့၊ နံနက် (၁၀:၀၀)နာရီတွင် သွားရောက် ကွင်းဆင်းလေ့လာခဲ့ပါသည်။ ဝါးဥများမှ ဝါးဥသေးလေးများကိုချိုး၍ ပြန်ပျိုးထောင်ပြီး အပင်ထွက် လာမှ ပြန်ပြီး စိုက်ပျိုးရပါသည်။ အတောင်ရေ (၁၅၀)ရှိသော မြောင်း (၁၀)မြောင်းရှိပါသည်။ စိုက်ဧကမှာ တစ်ယောက်စိုက်ရှိပြီး မိုးဦးကျဖြစ်သော နယုန်လမှာ စတင်စိုက်ပျိုးပြီး သီတင်းကျွတ် လတွင် စတင်တူးဖေါ်ရပါသည်။ အလုပ်သမားအနည်းအများပေါ်မူတည်၍ တစ်နေကုန်တူးဖေါ်ရ ပါသည်။ ဝါးဥပိဿာချိန် (၁၅၀)ကျော်ထွက်ရှိပါသည်။ ဝါးဥအသေးအကြီးပေါ်မူတည်ပြီး သောင်းပြောင်း (၁)ပိဿာ(၂၀၀၀)ကျပ်ရောင်းရပြီး အကြီး (၁)ပိဿာ (၃၀၀၀)ကျပ်ရောင်းချရပါသည်။ ညောင်ဝိုင်းဒိုင်မှ လာရောက်ဝယ်ယူကြပြီး နယ်ပေါင်းစုံသို့တင်ပို့ရောင်းချရပါသည်။ စတင်စိုက်ပျိုးချိန်မှ ခူးဆွတ်ချိန်အထိ စုစုပေါင်းကုန်ကျငွေ (၁)သိန်းခွဲကုန်ကျပြီး အကျိုးအမြတ် (၁)သိန်းကျော်ရှိကြောင်း သိရှိရပါသည်။
DOCA(ပဲခူး)