တောင်ငူမြို့၊ (၁၈)ရပ်ကွက်တွင်ရှိသော ကျောက်စက်ဈေး(ခေါ်)ဝက်ကုန်းဈေးသည် မြို့၏ ဝက်သားသည်များ အများဆုံး ရောင်းချသော ဈေးဖြစ်သည်။ဝက်သားများကို စားသောက်ဆိုင် များနှင့် ဒုတ်ထိုးဆိုင်များမှ ပုံမှန်ဖောက်သည်ဝယ်ယူကြသော်လည်း ယခုပွင့်လင်းရာသီဖြစ်သော ကြောင့် အလှူ၊ မင်္ဂလာပွဲများ ပြုလုပ်လာကြခြင်းတို့ကြောင့် ဈေးသည်တိုင်း ရောင်းအားကောင်းလျက်ရှိနေသည်။
ဝက်သားဈေးနှုန်းများမှာ ပေါင်သား ၅၀ သား ၁၈၀၀၀ ကျပ်၊ (၁)ပိဿာ ၃၅၀၀၀ကျပ်၊ အဆီနှင့်အသားတစ်ထပ်စီပါသော သုံးထပ်သား ၅၀ကျပ်သားလျှင် ၁၆၀၀၀ကျပ်၊ (၁)ပိသာ ၃၂၀၀၀ ကျပ်၊ ကလီစာ (၅၀)ကျပ်သားလျှင် ၁၅၀၀၀ ကျပ်ဖြင့် (၁)ပိဿာလျှင် ၃၀၀၀၀ကျပ်၊ ခေါင်းသား(၅၀)ကျပ်သားလျှင် ၁၁၀၀၀ကျပ်၊(၁)ပိဿာလျှင် ၂၂၀၀၀ကျပ်၊ ဝက်လက် (၅၀)ကျပ်သားလျှင် ၁၀၀၀၀ကျပ်၊(၁)ပိဿာလျှင် ၂၀၀၀၀ကျပ်၊ ဝက်ခြေထောက် (၅၀)ကျပ်သား လျှင် ၁၅၀၀၀ကျပ် ၊ (၁)ပိဿာလျှင် ၈၀၀၀ ကျပ် ဖြင့် အသီးသီးရောင်းချလျက်ရှိသည်။
ထို့ပြင် ဈေးသည်များမှ ဝက်ပေါင်သားများကို အခြောက်လှန်း၍ မီးကင်ပြီး ဝက်ပေါင် ခြောက်ဟု ရောင်းချသေးသည်။ ဝက်ပေါင်ခြောက် (၁၅)ကျပ်သားခန့်ပါ ၁ထုတ်လျှင် ၁၅၀၀၀ ကျပ်ဖြင့် ရောင်းချသည်ဟု ကျောက်စက်ဈေး(ခေါ်)ဝက်ကုန်းဈေးမှ ဈေးသည်ဒေါ်အေးအေးခိုင်၏ ပြောကြားချက်အရ သိရှိရသည်။
DOCA(ပဲခူး)