ဟန်ဂေရီသို့ ရုရှားဓာတ်ငွေ့ ပေးပို့မှု စံချိန်သစ်တင်ခဲ့

ဟန်ဂေရီနိုင်ငံသို့ ရုရှားနိုင်ငံမှ သဘာဝဓာတ်ငွေ့ ပေးပို့မှုသည် ယခုနှစ်အတွင်း စံချိန်သစ်တင် ခဲ့ပြီး ယခုအချိန်အထိ ကုဗမီတာ ၆ ဘီလီယံကျော် စံချိန်တင်ခဲ့ကြောင်း ဟန်ဂေရီနိုင်ငံခြားရေးဝန်ကြီး Peter Szijjarto က အောက်တိုဘာလ ၁၅ ရက်နေ့တွင် Facebook ၌ ရေးသားဖော်ပြခဲ့သည်။

       ထုထည်ပမာဏသည် တစ်နေ့လျှင် ကုဗမီတာ ၂၁ သန်းကျော်ရှိပြီး ဟန်ဂေရီနိုင်ငံ၏ စွမ်းအင် လုံခြုံရေးအတွက် အရေးကြီးကြောင်း ၎င်းက ပြောကြားခဲ့သည်။ Szijjarto က ဟန်ဂေရီသည် အရင်း အမြစ်မျိုးစုံနှင့် လမ်းကြောင်းများမှတစ်ဆင့် စွမ်းအင်ကွဲပြားမှုကို ပံ့ပိုးပေးသော်လည်း "ကောင်းမွန်စွာ လုပ်ဆောင်နိုင်ပြီး ယုံကြည်စိတ်ချရသော ထောက်ပံ့ရေးလိုင်းများ" ကို ပိတ်ပစ်ခြင်းကို ဆန့်ကျင် ကြောင်း ထပ်လောင်းပြောကြားခဲ့သည်။

       ဥရောပသမဂ္ဂသည် ရုရှားစွမ်းအင်အပေါ် ၎င်း၏မှီခိုအားထားမှုကို ရပ်တန့်ရန် မဟာဗျူဟာ တစ်ရပ်ကို တွန်းအားပေးလျက်ရှိသည်။ ဇွန်လတွင် ဥရောပကော်မရှင်သည် ရုရှားဓာတ်ငွေ့နှင့် ရေနံ တင်သွင်းမှုကို ၂၀၂၇ နှစ်ကုန်တွင် ဖြည်းဖြည်းချင်းရပ်ဆိုင်းရန် ဥပဒေပြုရေးအဆိုပြုချက်ကို အတည် ပြုခဲ့သည်။

     ဟန်ဂေရီနှင့် စလိုဗက်ကီးယားတို့သည် အဆိုပါအစီအစဉ်နှင့်ပတ်သက်၍ ပြင်းထန်သော ကြိုတင်ကန့်သတ်မှုများကို ထုတ်ဖော်ပြောကြားခဲ့ပြီး ဖြတ်တောက်မှုများသည် ၎င်းတို့၏စွမ်းအင် လုံခြုံရေးနှင့် စီးပွားရေးတည်ငြိမ်မှုကို အန္တရာယ်ဖြစ်စေနိုင်ကြောင်း သတိပေးခဲ့သည်။

    DOCA(ရန်ကုန်)