ကွမ်းသီးနှင့် သီဟိုစေ့များသည် မြန်မာနိုင်ငံတောင်ပိုင်း တနင်္သာရီတိုင်းဒေသကြီး နှင့် မွန်ပြည်နယ်တို့တွင် အများဆုံးစိုက်ပျိုးလျက်ရှိပါသည်။ ကွမ်းသီးတွင် ကွမ်းသီးအလုံးစျေးနှင့် ကွမ်းသီးခွဲခြမ်း စျေးဟူ၍ စျေးနှုန်း (၂)မျိုးရှိပြီး သီဟိုစေ့တွင် အခွံမချွတ်ရသေးသောအပင်မှ ဆွတ်ခူးသော အသီးအကြမ်းစျေးနှင့် အခြောက်လှန်းသန့်စင်ပြီး အချောစျေးဟူ၍ စျေးနှုန်း (၂)မျိုးရှိ ကြောင်းသိရှိရပြီး ယခု အောက်တိုဘာ ၁၉ ရက်တွင် စျေးနှုန်းများကျဆင်းနေပြီး ကွမ်းသီးစျေးမှာ ကွမ်းသီး အလုံး(အခွံမပါ) တစ်ပိဿာလျှင် (၇၅၀ဝိ/-)နှုန်း နှင့် ကွမ်းသီးခွဲခြမ်း တစ်ပိဿာလျှင် (၇ဝဝဝ) နှုန်းစျေးပေါက် နေကြောင်းသိရှိရပါသည်။ သီဟိုစေ့စျေးနှုန်းမှာ သီဟိုစေ့အကြမ်း တစ်ပိဿာလျှင် ၄၅၀၀ ကျပ်ရှိပြီး သီဟိုစေ့အချော တစ်ပိဿာလျှင် (၃၂၀၀၀-၃၃၀၀၀) ကျပ် ရှိကြောင်း စုံစမ်းသိရှိရပါသည်။
ကွမ်းသီးစျေးနှုန်းမှာ ပုံမှန်ဖြစ်၍ အရောင်းအဝယ်မှာသွက်လျက်ရှိပြီး သီဟိုစေ့စျေးနှုန်းမှာ တည်ငြိမ်နေပြီး အရောင်းအဝယ်မှာလည်းအေးနေကြောင်း သိရှိရပြီး ကွမ်းသီးနှင့်သီဟိုကို ထားဝယ်မှ ရန်ကုန်သို့ တင်ပို့ရာတွင် သယ်ယူပို့ဆောင်ခ(ကားခ) တစ်ပိဿာလျှင် ကျပ် (၁၀ဝိ/-)နှုန်း ရှိကြောင်း ကုန်သည်တစ်ဦးထံမှ သိရှိရပါသည်။
DOCA(တနင်္သာရီ)