ပဲမြစ်ပင်သည်နွယ်ပင်တစ်မျိုးဖြစ်ပြီး ပဲစောင်းလျာသီးအပင်၏ အမြစ်ဖြစ်သည်။ ပဲမြစ်ကို နေရာ ဒေသအနှံ့အပြားတွင် စိုက်ပျိုးကြသည်။ ကရင်ပြည်နယ်ဒေသထွက်ပဲမြစ်ကို ဘားအံမြို့အနီး တစ်ဝိုက်ကျေးရွာများနှင့် ကြာအင်းဆိပ်ကြီးမြို့နယ်များရှိ တောင်သူများကတစ်နိုင်တစ်ပိုင် စိုက်ပျိုး ကြသည်။
၂၀၂၅ ခုနှစ်၊ ဆောင်းကာလ ကရင်ပြည်နယ်ဒေသထွက် ပေါ်ဦးပေါ်ဖျားသာဘာဝ ပဲမြစ်များ၏ ဈေးနှုန်းမှာ ဘားအံမြို့ရေပေါ်စံပြဈေးတွင် ပဲမြစ်လက်ကား ဈေးနှုန်း(၁၀)ပိဿာလျှင် (၆၀၀၀၀)ကျပ် နှုန်းနှင့် လက်လီဈေးနှုန်းတစ်ပိဿာလျှင် (၈၀၀၀) ကျပ်နှုန်း တို့ ဖြင့် အရောင်အဝယ်ဖြစ်လျက်ရှိကြောင်း ပဲမြစ်အရောင်းဆိုင်များမှ သိရသည်။
DOCA(ကရင်)