မကွေးတိုင်းဒေသကြီး၊ မကွေးခရိုင်၊ မကွေးမြို့နယ်၊ မကွေးကုန်စည်ဒိုင်သို့ မြို့နယ်အတွင်းရှိ ကျေးရွာများသာမက မင်းဘူး၊ မြို့သစ်၊ နတ်မောက်မြို့တို့မှ ထွက်ရှိသော ပဲတီစိမ်း၊ ပဲနောက်၊ ကုလား ပဲ၊ ပဲကြီး၊ စားတော်ပဲ၊ မတ်ပဲနှင့် အခြားပဲမျိုးစုံများ ဝင်ရောက်ရောင်းဝယ်ဖောက်ကားလျက်ရှိပါသည်။
၂၀၂၅ခုနှစ်၊ အောက်တိုဘာလ(စတုတ္ထပတ်)တွင် ကုလားပဲ(929)(၁)တင်းလျှင် ကျပ်(၈၁၂၀၀)၊ ပဲလွန်းဝါ(၁)တင်းလျှင် ကျပ်(၇၀၀၀၀)၊ ပဲတီစိမ်း(၁)တင်းလျှင် ကျပ်(၁၁၇၀၀၀)၊ ပဲနောက်(၁)တင်း လျှင် ကျပ်(၁၁၅၀၀၀)၊ မြေပဲလုံးဆံနီ(၁)ပိဿာလျှင် ကျပ်(၈၀၀၀)၊ မြေပဲလုံးဆံဖြူ (၁)ပိဿာလျှင် ကျပ်(၇၈၀၀)၊ မြေပဲအောက်ကျဆီဆံ (၁)ပိဿာလျှင် ကျပ်(၆၅၀၀) ဈေးဖြင့် အရောင်းအဝယ် ဖြစ်လျက်ရှိပြီး ယခင်အပတ်နှင့် နှိုင်းယှဉ်ပါက ယခုအပတ်တွင် ပဲတီစိမ်း ကျပ်(၉၀၀၀)၊ ပဲနောက် ကျပ်(၁၅၀၀၀)၊ မြေပဲလုံးဆံဖြူ ကျပ်(၁၀၀)၊ မြေပဲအောက်ကျဆီဆံ ကျပ်(၄၀၀)ဈေးမြင့်တက်ခဲ့ပြီး ကုလားပဲ(929) ကျပ်(၃၃၀၀)ဈေးကျခဲ့ကြောင်း သိရသည်။ တင်ပို့မှုအနေဖြင့် တစ်ပတ်အတွင်း မကွေးမြို့မှ မန္တလေးမြို့သို့ ပဲတီစိမ်း အိတ်ရေ(၅၀၀)၊ ပဲနောက် အိတ်ရေ(၅၀၀)၊ ရန်ကုန်မြို့သို့ ပဲတီစိမ်း အိတ်ရေ(၅၀၀)၊ ပဲနောက် အိတ်ရေ(၅၀၀)၊ ပြည်မြို့သို့ ပဲလွန်းဝါ အိတ်ရေ (၆၀၀)ခန့် တင်ပို့ခဲ့ကြောင်း သိရှိရပါသည်။
DOCA(မကွေး)