“တောင်ပေါ်ဒေသမှ ငရုတ်ပွတောင့်များဈေးကွက်အတွင်းသို့ ဖြိုင်ဖြိုင်ဝင်ရောက်”

           ကျောက်ဆည်ခရိုင်အတွင်းရှိ အေးမြကြည်လင်ဈေးနှင့် မြို့မဈေးများသို့ တောင်ပေါ်ဒေသမှ ငရုတ်ပွတောင့်များ ဈေးကွက်အတွင်းသို့ ဖြိုင်ဖြိုင်ဝင်ရောက်လျက်ရှိပြီး ငရုတ်ပွတောင့်များသည် ယခုအချိန်တွင် မြေပြန့်ဒေသများမှ စိုက်ပျိုးမှုနည်းပါးပြီး တောင်ပေါ်ဒေသများဖြစ်သည့် ရှမ်းပြည်၊ အောင်ပန်း၊ပင်းတယနှင့်ရွာငံရေဦး မြို့များမှ အများဆုံးဝင်ရောက်လျက်ရှိပြီး အောက်တိုဘာလ ဒုတိယအပတ်တွင် ငရုတ်ပွတောင့် ဈေးနှုန်းအနေဖြင့် လက်ကားတစ်ပိဿာလျှင် (၇၀၀၀/-) ကျပ်၊ လက်လီတစ်ပိဿာလျှင် (၉၀၀၀/-) ကျပ်ရှိကြောင်း၊ ယခု အောက်တိုဘာလ တတိယအပတ်တွင် ဈေးနှုန်းအနေဖြင့် လက်ကား တစ်ပိဿာလျှင် (၈၀၀၀/-)ကျပ် ၊ လက်လီ တစ်ပိဿာလျှင် (၁၀၀၀၀/-) ကျပ် ရှိပြီး ဈေးနှုန်းအနေဖြင့် အနည်းငယ်မြင့်တက်နေကြောင်း ကုန်စိမ်းပွဲရုံများထံမှ သိရှိရပါသည်။ ငရုတ်ပွတွင် ကယ်လိုရီဓာတ် ၊ ပရိုတင်း နှင့် အမျှင်ဓာတ်များ စွာပါဝင်ကြောင်း ၊ ငရုတ်ပွကို အစိမ်းကြော်ပဲ ကြော်ကြော် ၊ အသားလေးနဲ့ပဲနှပ်နှပ် ၊ အနံ့မွှေးပြီး စားလို့ကောင်းသော ကြောင့်ကြိုက်နှစ်သက်သူများပါကြောင်း ၊ ငရုတ်ပွစားသုံးခြင်းဖြင့် မျက်လုံးအားကောင်းစေခြင်း ၊ သွေးအားနည်း ရောဂါကာကွယ်ပေးခြင်း၊ ကိုယ်ခံအားကောင်းစေခြင်း၊ အသားအရည်လှပစေခြင်းနှင့် အစာခြေစနစ်ကောင်းမွန်စေခြင်းစသည့်ကျန်းမာရေးအကျိုးကျေးဇူးများစွာရရှိကြောင်း၊ငရုတ်ပွတောင့် အပါအဝင် ဟင်းသီးဟင်းရွက်များကို များများစားသုံးပေးခြင်းကြောင့် အဝလွန်တာ၊ ဆီးချို၊ နှလုံးရောဂါ အပါအဝင် နာတာရှည်ရောဂါ အမျိုးမျိုးကို ကာကွယ်ပေးနိုင်ကြောင်း သိရှိရပါသည်။

DOCA (မန္တလေး)