ကျွဲကော်ပင်များအား ပြည်မြို့နှင့် ဒေသတစ်ဝိုက် ကျေးလက်ဒေသများနှင့် ရွှေတောင်မြို့နယ်အတွင်းရှိ ကျေးလက်ဒေသများတွင် တစ်နိုင်တစ်ပိုင် စိုက်ပျိုးကြပါသည်။ ယခုအချိန် ဈေးကွက်အတွင်း ရောင်းချနေကြသော ကျွဲကော်သီးများမှာ ဝါဆိုသီးများဖြစ်ပါသည်။ သီတင်းကျွတ်နှင့် တန်ဆောင်မုန်းလများတွင် လှိုင်လှိုင်ထွက်ရှိကြပါသည်။ ဒေသထွက် ကျွဲကော်သီးများကို ဒေသတွင်း သစ်သီးဒိုင်များမှ တစ်ဆင့် ရန်ကုန်မြို့ရှိ သီရိမင်္ဂလာဈေးနှင့် ဒညင်းကုန်းဈေးများသို့ တင်ပို့ရောင်းချ ကြပါသည်။ ကျွဲကော်သီးအကြီးတစ်လုံးလျှင် (၃၅၀၀) ကျပ်၊ အသေးတစ်လုံးလျှင် (၂၀၀၀) ကျပ်ဖြင့် ဈေးကွက်အတွင်း အရောင်းအဝယ်ဖြစ်လျက်ရှိပါသည်။
DOCA (ပဲခူး)