ဗီယက်နမ်နိုင်ငံ၏ သစ်သီးနှင့် ဟင်းသီးဟင်းရွက် တင်ပို့မှုသည် ၂၀၂၅ခုနှစ်၏ ပထမ ၁၀ လအတွင်း အမေရိကန်ဒေါ်လာ ၇ ဘီလီယံကျော်ရှိမည်ဟု ခန့်မှန်းရပြီး ယမန်နှစ် အလားတူကာလနှင့် နှိုင်းယှဉ်ပါက ၁၄ ရာခိုင်နှုန်း တိုးတက်လာကြောင်း ဗီယက်နမ် သတင်းအေဂျင်စီက ဗီယက်နမ် သစ်သီးနှင့် ဟင်းသီးဟင်းရွက် အသင်းကို ကိုးကား၍ နိုဝင်ဘာလ ၂ ရက်နေ့က ဖော်ပြခဲ့ကြောင်း သိရသည်။
ဗီယက်နမ်၏ သစ်သီးနှင့် ဟင်းသီးဟင်းရွက် တင်ပို့မှုသည် ယခုနှစ်တွင် ပထမဆုံးအကြိမ်အဖြစ် ဒေါ်လာ ၈ ဘီလီယံကျော်လွန်ပြီး လာမည့်နှစ်များတွင် ဒေါ်လာ ၁၀ ဘီလီယံအထိ ရောက်ရှိလာနိုင်သည့် အလားအလာများကို မြှင့်တင်ပေးကြောင်း အဆိုပါ အစီရင်ခံစာတွင် ဖော်ပြထားပါသည်။
အသင်း၏ အထွေထွေအတွင်းရေးမှူးဖြစ်သူ Dang Phuc Nguyen က အဓိက ထုတ်ကုန်များ၏ အရေအတွက်နှင့် တန်ဖိုးနှစ်ခုစလုံး သိသိသာသာ တိုးလာခြင်းကြောင့် တင်ပို့မှုသည် ဒုတိယသုံးလပတ်နှောင်းပိုင်းမှ တတိယသုံးလပတ်အစောပိုင်းအထိ မြင့်တက်လာခဲ့ကြောင်း ပြောကြားခဲ့ပါသည်။
ဒူးရင်းသီးလုပ်ငန်း ခိုင်မာစွာ ပြန်လည်နာလန်ထူလာခြင်းကြောင့် သစ်သီးနှင့် ဟင်းသီးဟင်းရွက် တင်ပို့မှု တိုးတက်လာခဲ့ပါသည်။ ၂၀၂၅ ခုနှစ်တွင် ဒူးရင်းသီးတင်ပို့မှု တစ်ခုတည်းလျှင် အမေရိကန်ဒေါ်လာ ၃ ဘီလီယံကျော်လွန်နိုင်ကြောင်း သိရှိရပါသည်။
Source : Xinhua
DOCA (ရန်ကုန်)