ရှမ်းပြည်နယ်(တောင်ပိုင်း)သည် မြေညီအေးပြီး တောင်တန်းမြေကောင်းသောကြောင့် အရည် အသွေးမြင့် လိမ္မော်သီးများ အများဆုံးထွက်ရှိသော ဒေသဖြစ်ပါသည်။ လိမ္မော်သီး သီးနှံကို တောင်ကြီး မြို့နယ်၊ လင်းခေးမြို့နယ်၊ ပင်းတယမြို့နယ်နှင့် ကလောမြို့နယ် မြင်းမထိကျေးရွာတွင် အထွက်နှုန်း ကောင်းပြီး တန်ဖိုးမြင့် လိမ္မော်သီးများ စီးပွားဖြစ်နှစ်စဉ်စိုက်ပျိုးကြပြီး ရန်ကုန်၊ မန္တလေး၊ မိတ္ထီလာ၊ နေပြည်တော်၊ ပျဉ်းမနား၊ ပြည်မြို့၊ အောင်ပန်းမြို့နှင့် သယ်ယူရန်လွယ်ကူသော ဒေသများသို့ တင်ပို့ ရောင်းချကြောင်းသိရှိရပါသည်။ လိမ္မော်သီး သီးနှံကို မိုးရာသီအစ မေလမှ ဩဂုတ်လတို့တွင် စိုက်ပျိုး ကြပြီး နိုဝင်ဘာလ မှ မတ်လအထိ သီးနှံထွက်ရှိကာ ယခုချိန်တွင် လိမ္မော်သီးနှံများ ဈေးကွက်ဝင် ရောက်မှုများပြီး ဈေးကောင်းရရှိနေကာ လိမ္မော်သီးအကြီး(၁)ပိဿာလျှင် (၇၀၀၀-၈၀၀၀)ကျပ်နှင့် အလတ်(၁)ပိဿာလျှင် (၅၀၀၀-၆၀၀၀)ကျပ်ဖြင့် လိမ္မော်စိုက်တောင်သူများမှ ဈေးကွက်အတွင်းသို့ တင်ပို့ရောင်းချကြောင်း စုံစမ်းသိရှိရပါသည်။
DOCA(ရှမ်း)