“တိုင်ထောင်ပဲတောင့်ရှည်ဈေးနှုန်းအနည်းငယ်ကျဆင်း”

     မန္တလေးတိုင်းဒေသကြီး ၊ ကျောက်ဆည်ခရိုင်သည် ဆည်ရေသောက်ဒေသတစ်ခု ဖြစ်သောကြောင့် စပါး ၊ ပဲ ၊ ပြောင်း ၊ နှမ်းသီးနှံမျိုးစုံ အောင်မြင်ဖြစ်ထွန်းလျက်ရှိရာ ၄င်းသီးနှံများအနက် တိုင်ထောင်ပဲတောင့်ရှည်သီးနှံကိုလည်း စီးပွားဖြစ်စိုက်ပျိုးလာကြပါသည်။ တိုင်ထောင်ပဲတောင့်ရှည် သီးနှံကို မျိုးအနေဖြင့် အစိမ်းရောင် နှင့် ကတ္တီပါရောင်ဟူ၍ (၂)မျိုးရှိရာ အစိမ်းရောင်မျိုးကို အဓိကထား စိုက်ပျိုးကြကြောင်း ၊ တိုင်ထောင်ပဲတောင့်ရှည်သီးနှံသည် စိုက်ပျိုးပြီး တစ်လအတွင်း ထွက်ပေါ်ကြောင်း (၁)ဧကကုန်ကျ စရိတ်အနေဖြင့် တိုင်ထောင် ဝါး ၊ မျိုး ၊ သွင်းအားစုနှင့်လုပ်သားခ အပါအဝင်စုစုပေါင်း (၅၀၀၀၀၀/-)ကျပ်ခန့် ကုန်ကျကြောင်း၊ အထွက်နှုန်းအနေဖြင့် ပိဿာ‌(၅၀၀) ခန့်ထွက်ရှိကြောင်း ၊ ဈေးနှုန်းအနေဖြင့် ယခင်လတွင် လက်ကားဈေး (၁)ပိဿာလျှင် (၂၅၀၀/-)ကျပ်၊ လက်လီဈေး (၃၀၀၀/-) ကျပ် ၊ ယခုလတွင် လက်ကားဈေး (၁)ပိဿာလျှင် (၂၀၀၀/-)ကျပ်၊ လက်လီဈေး (၂၈၀၀/-) ကျပ် ၊ ဈေးနှုန်းများဖြင့် အရောင်းအဝယ်ဖြစ်နေကြောင်း၊ ယခင်လထက် ဈေးနှုန်းအနည်းငယ်ကျဆင်းကြောင်း ၊ ခူးဆွတ်ရာတွင် (၁)ရက်ခြား ခူးဆွတ်ရကြောင်း၊ ကုန်စိမ်း သီးနှံဖြစ်သည်အတွက် တစ်ပတ်နှင့်တစ်ပတ် ဈေးနှုန်းမတူညီကြောင်း၊ (၁)ဧကအကျိုးအမြတ်အနေဖြင့် (၅၀၀၀၀၀/-)ကျပ်ခန့်မြတ်ခဲ့ကြောင်း ပဲတောင့်ရှည်စိုက်ပျိုးသော တောင်သူတစ်ဦး၏ ပြောကြားချက်အရ သိရှိရပါ သည်။

DOCA(မန္တလေး)