တနင်္သာရီတိုင်း၊ မြိတ်ခရိုင်စားသုံးသူရေးရာဦးစီးဌာနမှ ခရိုင်ဦးစီးမှူးဦးမျိုးဝင်းနှင့် ဝန်ထမ်းများ သည် ၂၀၂၅ခုနှစ်၊ နိုဝင်ဘာလ(၁၀)ရက်နေ့တွင် မြိတ်မြို့၊ ကန်ခေါင်းရပ်ရှိ အွန်လိုင်းဖြင့်အလှကုန် ပစ္စည်းရောင်းချနေသော Thiri Beauty Channel သို့ သွားရောက်၍ အွန်လိုင်း မှတ်ပုံတင်လုပ်ငန်း လိုင်စင်လျှောက်ထားမှုနှင့်ပတ်သက်၍ ကွင်းဆင်းစစ်ဆေးခဲ့ကြောင်း သိရှိရပါသည်။
ကွင်းဆင်းစစ်ဆေးရာတွင် ၎င်းအလှကုန်ရောင်းချနေသောဆိုင်သည်နေရပ်တွင်အမှန်တကယ် တည်ရှိနေကြောင်း၊ ရောင်းချနေသောကုန်စည်များမှန်ကုန်မှုရှိကြောင်း၊ ရောင်းချနေသူ၏ ကိုယ်ရေး အချက်အလက်မှန်ကန်ကြောင်း၊ သက်ဆိုင်ရာဌာန၏ညွှန်ကြားချက်များကိုလိုက်နာဆောင်ရွက်ခြင်း ရှိကြောင်းတို့ကို စစ်ဆေးခဲ့ပြီး ကုန်အညွှန်းအမှတ်အသားပြည့်စုံမှ ရောင်းချရန်၊ ဘေးအန္တရာယ်ကင်း သော ကုန်စည်များသာရောင်းချရန်နှင့် တရားမဝင်ကုန်စည်များရောင်းချခြင်းမပြုရန် ပြောကြားခဲ့ ကြောင်း သိရှိရပါသည်။
DOCA(တနင်္သာရီ)