ရုရှား၏ သတင်းအချက်အလက်နည်းပညာ (အိုင်တီ) လုပ်ငန်းသည် လွန်ခဲ့သော ငါးနှစ်အတွင်း နှစ်ဆနီးပါး တိုးတက်လာခဲ့ပြီး နိုင်ငံ GDP ၏ ၂.၄ ရာခိုင်နှုန်းကို ပံ့ပိုးပေးခဲ့ကြောင်း ရုရှားဝန်ကြီးချုပ် Mikhail Mishustin က နိုဝင်ဘာလ ၁၂ ရက်နေ့တွင် ပြောကြားခဲ့ပါသည်။
အိုင်တီကဏ္ဍသည် ရုရှားတွင် အလျင်မြန်ဆုံးတိုးတက်နေသော လုပ်ငန်းများထဲမှ တစ်ခုဖြစ်ပြီး ပိုမိုယှဉ်ပြိုင်နိုင်စွမ်းရှိသော ထုတ်ကုန်များကို ထုတ်လုပ်နေဆဲဖြစ်ကြောင်း Mishustin က မော်စကိုတွင်ကျင်းပသည့် ပထမဆုံး ရုရှားအိုင်တီဖိုရမ် "Digital Solutions" တွင် ပြောကြားခဲ့ပါသည်။
အိုင်တီဝန်ဆောင်မှုနှင့် ထုတ်ကုန်များ၏ ရောင်းအားသည် တည်ငြိမ်စွာတိုးတက်လျက်ရှိပြီး ၂၀၂၅ ခုနှစ် ပထမနှစ်ဝက်တွင် ရောင်းအားပမာဏသည် ၁၄.၅ ရာခိုင်နှုန်းကျော်အထိ တိုးလာခဲ့ကြောင်း ၎င်းက ထပ်လောင်းပြောကြားခဲ့ပါသည်။
ရုရှားစီးပွားရေးအတွက် သတင်းအချက်အလက်နည်းပညာကဏ္ဍ၏ အရေးပါမှုကို ထည့်သွင်းစဉ်းစားပြီး ဆက်လက်ပံ့ပိုးပေးသွားမည်ဟု Mishustin က ပြောကြားခဲ့ပြီး နိုင်ငံခြားကုမ္ပဏီများ ထွက်ခွာသွားခြင်းသည် ပြည်တွင်းအိုင်တီ ကုမ္ပဏီများအတွက် အခွင့်အလမ်းသစ်များ ဖန်တီးပေးခဲ့ကြောင်း ပြောကြားခဲ့ပါသည်။
Source : Xinhua
DOCA (ရန်ကုန်)