သနပ်ခါးပန်းဟုဆိုရာဝယ် မျက်နှာမှာလိမ်းသော သနပ်ခါးတုံးပင်မှ ပွင့်သောပန်း မဟုတ်ပေ။ သနပ်ခါးပန်းပင်သည် ယင်းမာပင်၊ တမာပင်မျိုးရင်းတွင် ပါဝင်သည့် သနပ်ခါးပန်းသည် ရနံ့သင်းသင်းနှင့် မွှေးသောပန်းအမျိုးအစားဖြစ်ပါသည်။ လူတစ်ယောက် သနပ်ခါးပန်း ပန်ထားလျှင် အခြားသူအားလုံး မွှေးပါသည်။ သနပ်ခါးပန်းကို အမျိုးသမီးများ နှစ်သက်မြတ်နိုးစွာ ပန်ဆင်တတ် ကြသလို အပင်ပေါ်မှာ ပွင့်နေလျှင်လည်း အလွန်လှပါသည်။ မိုးရာသီတွင် သနပ်ခါးပန်းများ လှိုင်လှိုင်ပွင့်တတ်ပြီး သနပ်ခါးပန်းခိုင်ကလေးများကို ခူးယူ၍ သီကုံးကာ ဈေးကွက်သို့ တင်ပို့ ရောင်းချလျှက်ရှိပါသည်။ သနပ်ခါးပန်းတစ်ကုံးလျှင်(၅၀၀)ကျပ် ဖြင့်ရောင်းချလျှက်ရှိကြောင်း၊ ပန်းမျိုးစုံအရောင်းဆိုင်မှ သိရှိရသည်။ ယခင်က သနပ်ခါးပန်းပင်အကြီးမျိုးသာရှိပြီး ယခုအခါ ယိုးဒယားသနပ်ခါးပန်းပင်အပုမျိုးများလည်း ရောင်းချလျှက်ရှိပါသည်။ ယခုလို မိုးကျရာသီမှာ သစ်ပင်ပန်းပင်စိုက်ပျိုးသူများသောကြောင့် ရောင်းအားကောင်းလျှက်ရှိကြောင်း သိရှိရသည်။ သနပ်ခါးပန်းပင်တစ်ပင်လျှင် အပင်အရွယ်အစားပေါ်မူတည်၍ (၂၀၀၀/၅၀၀၀) ကျပ်ဖြင့် ရောင်းချလျှက်ရှိကြောင်း ပန်းပျိုးပင် အရောင်းဆိုင်မှ သိရှိရသည်။
DOCA(မန္တလေး)