စစ်ကိုင်းတိုင်းဒေသကြီး၊ ခန္တီးခရိုင်၊ ဟုမ္မလင်းမြို့နယ်မှာ အထက်ချင်းတွင်းမှာတည်ရှိပြီး ဆက်သွယ်ရေးလမ်းကြောင်းမှာ ချင်းတွင်းတစ်လျောက် မုံရွာ-မင်းကင်း-ကလေးဝ-ဟုမ္မလင်း - ခန္တီး ထိ ရေလမ်းခရီးသာ အသုံးပြုခဲ့ရပါတယ်။ ကုန်လမ်းအနေဖြင့် ပွင့်လင်းရာသီဖြစ်သော အချိန်မှသာ ပေါက်ရောက်ပြီး မုံရွာ - ဘုတလင် - ရေဦး မှတဆင့် တန့်ဆည်မြို့နယ်၊ ကံထူးမကျေးရွာမှ မဟာမြိုင်လမ်းမှသာ သွားလာခဲ့ရပါတယ်။ ယခုအခါတွင် လေကြောင်းလိုင်းများဖြင့် ဟုမ္မလင်းမြို့မှ မုံရွာမြို့နှင့် မန္တလေးမြို့များသို့ တိုက်ရိုက်ပျံသန်းကာ ခရီးသွားလာမှုများအနေဖြင့် ပိုမိုကောင်းမွန်လာခဲ့ပါသည်။ ဟုမ္မလင်းမြို့အနေဖြင့် စပါးစိုက်ပျိုးမှုမှာ ဒေသတွင်း ဖူလုံမှုရှိသော်လည်း ခန္တီး၊ လေရှီး၊ လဟယ်ဒေသအထိ စားသုံးရန် ဖြန့်ဖြူးနိုင်မှုမရှိပါ။ အဆိုပါဒေသ များသို့ စားသုံးဆန်များကို ပွင့်လင်းရာသီတွင် တင်ပို့ခဲ့ကြရပြီး ကုန်လမ်း/ရေလမ်း ( ၂ ) မျိုး အသုံးပြု ၍ ဆောင်ရွက်ကြရပါသည်။
အောက်တိုဘာလ နောက်ဆုံးပတ်တွင် ဟုမ္မလင်းမြို့နယ် ဆန်စျေးကွက်အခြေအနေဖြင့် ပေါ်ဆန်းမွှေးဆန် ( ၂၄ ) ပြည် တစ်အိတ်လျှင် ( ၁၀၀၀၀၀ ) ကျပ်၊ လုံးသွယ်မွှေး ( ၂၄ ) ပြည်တစ်အိတ်လျှင် ( ၈၃၀၀၀ ) ကျပ်၊ ဧရာမင်းဆန် ( ၂၄ ) ပြည်တစ်အိတ်လျှင် ( ၈၅၀၀၀ ) ကျပ်၊ မန်းဧရာ ( ၂၄ ) ပြည်တစ်အိတ်လျှင် ( ၆၀၀၀၀ ) ကျပ်၊ ရွှေသွယ်( ၂၄ ) ပြည်တစ်အိတ်လျှင် ( ၅၉၀၀၀ ) ကျပ် ပေါက်ဈေးနှုန်းများဖြင့် ဖြန့်ဖြူးရောင်းချလျက်ရှိကြောင်း လေ့လာသိရှိရပါသည်။
DOCA(စစ်ကိုင်း)