ပဲယဉ်းသီးနှံမှာ ပြည်တွင်းစားသုံးမှုနှင့် ပြည်ပသို့တင်ပို့သည့်စျေးကွက်ဝင် ပဲအမျိုးအစား ဖြစ်ပြီး၊မန္တလေးတိုင်းဒေသကြီးအတွင်း၂၀၂၄-၂၀၂၅ခုနှစ် ပဲယင်းသီးနှံအပါအဝင်ပဲမျိုးစုံ စိုက်ပျိုးမှု မှာ (၁၀၁၉၄၇၇)ဧကဖြစ်ကြောင်း သိရပါသည်။ မန္တလေးပွဲစား၊ကုန်သည်၊စက်ပိုင်များမဟာကထိန်တော် အသင်းတွင် ၂၀၂၅ခုနှစ်နိုဝင်ဘာလဒုတိယပတ်အတွင်း ဖြစ်ပေါ်လျက်ရှိသော ပေါက်စျေးမှာ ၃တင်းဝင် တစ်အိတ်လျှင် ပဲယင်း(နီ)၂၂၀၀၀၀ကျပ်နှင့်၂၂၅၀၀၀ကျပ်၊ ပဲယင်း(ကြီး) ၂၁၀၀၀၀ ကျပ်၊တစ် ပိဿာစျေးမှာ ပဲယင်း(နီ)၃၆၆၇ကျပ်နှင့် ၃၇၅၀ကျပ်၊ ပဲယင်း(ကြီး) ၃၅၀၀ကျပ်တို့ဖြစ်ပြီး၊ ယခင်နှစ် ကာလတူ တစ်ပိဿာစျေးမှာ ပဲယင်း(နီ) ၃၇၅၀ ကျပ်နှင့် ၃၈၃၃ ကျပ်၊ ပဲယင်း ၃၇၅၀ကျပ်တို့ဖြစ်ပေါ် ခဲ့ကြောင်း သိရှိရပါသည်။ ယခုနှင့်ယခင်နှစ် ကာလတူပေါက်စျေးနှိုင်း ယှဉ်ပါက စျေးအနည်းငယ်လျော့နည်းသွားကြောင်း သိရှိရပါသည်။
DOCA(မန္တလေး)