စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့နယ်တွင် သောက်ရေသန့် ထုတ်လုပ်သည့် စက်ရုံများရှိပြီး သောက်ရေသန့်အမျိုးမျိုးသည် လူကြီး/လူငယ်အများစု နေ့စဉ် သောက်သုံးနေသော ကုန်စည်ဖြစ်သောကြောင့် သောက်ရေသန့်များ ထုတ်လုပ်ရာတွင် သန့်ရှင်း သောထုတ်လုပ်မှုနှင့်အညီ ထုတ်လုပ်ရောင်းချနိုင်ရေးကို သက်ဆိုင်ရာ အစိုးရဌာနအဖွဲ့အစည်း များက စစ်ဆေးကြပ်မတ်ဆောင်ရွက်လျက်ရှိပါသည်။
၂၀၂၅ခုနှစ်၊ နိုဝင်ဘာလ တတိယပတ်အတွင်း ကန့်ဘလူမြို့နယ်တွင် ထုတ်လုပ်ဖြန့်ဖြူး ရောင်းချလျက်ရှိသော သောက်ရေသန့်များမှာ ကောင်းသာ KBU သောက်ရေသန့်၊ ယောနသန် သောက်ရေသန့် ၊ မြတ်နန်းဦး သောက်ရေသန့် ထုတ်လုပ်သော လုပ်ငန်းများရှိပြီး ၂၀ လီတာဝင် ရေဘူးကြီးများကို(၁)ဘူးလျှင် (၈၀၀)ကျပ်၊ အိမ်အရောက်ပို့စနစ်ဖြင့် ရောင်းချလျက်ရှိပြီး ဒေသ တွင်းထုတ်လုပ်သော သောက်ရေသန့်ဘူး(၁)လီတာဘူး(၁)ဘူးလျှင် (၆၀၀)ကျပ်၊ ရန်ကုန်မှဝင် ရောက်လျက်ရှိသော ကုန်အမှတ်တံဆိပ်ပါ သောက်ရေသန့်ဘူး(၁)လီတာဘူး(၁)ဘူးလျှင် (၁၀၀၀ ကျပ်မှ ၁၁၀၀)ကျပ်)အထိ ရောင်းချလျက်ရှိကြောင်း သိရှိရပါသည်။
DOCA(စစ်ကိုင်း)