နှမ်းယိုသည် မြန်မာလူမျိုးတို့၏ ရိုးရာအစားအစာတစ်ခုဖြစ်ပြီး အာဟာရပြည့်ဝကာ လူကြီးလူငယ်မရွေး ကြိုက်နှစ်သက်သော အစားအစာတစ်ခုဖြစ်ကြောင်း၊ မြင်းခြံဈေးကွက်၌ ရောင်းချ နေသော နှမ်းယိုများကို မကွေးမြို့တို့မှ မှာယူရောင်းချကြောင်း၊ ၂၀၂၅ခုနှစ်၊ နိုဝင်ဘာလ၌ အေးမြသီတာဈေးတွင် ရောင်းချနေသော နှမ်းယိုဝိုင်း ၂၅ ကျပ်သားလျှင် (၅၈၀၀) ကျပ်ခန့်ပေါက် ဈေးများဖြင့် ရောင်းချလျက်ရှိကြောင်း၊ နှမ်းယိုကို စားသုံးခြင်းဖြင့် ခန္ဓာကိုယ်ကြီး ထွားဖွံ့ဖြိုးရန် အထောက်အကူပြုကြောင်း၊ အရိုးနှင့်သွားများကိုသန်မာစေပြီး ကယ်လ်ဆီယမ် ဓာတ်များ ကြွယ်ဝ ကြောင်း၊ သံဓာတ်ပါဝင်သောကြောင့် သွေးအားနည်းရောဂါကို ကာကွယ်ပေးကြောင်း၊ အမျှင်ဓာတ် ကြွယ်ဝသောကြောင့် အစာခြေစနစ်ကို အားကောင်းစေကြောင်း၊ ပြည့်ဝဆီများ ပါဝင်သောကြောင့် နှလုံးကျန်းမာရေးအတွက် အကျိုးပြုကြောင်း၊ မြန်မာလူမျိုးများ ကြိုက်နှစ်သက်သော နှမ်းယိုသည် ဈေးနှုန်းချိုသာပြီး အာဟာရပြည့်ဝသော ရိုးရာအစားအစာ တစ်ခုဖြစ်သောကြောင့် မြင်းခြံဈေးကွက်တွင် အရောင်းအဝယ် သွက်လျက်ရှိကြောင်း သိရှိရသည်။
DOCA(မန္တလေး)