ပြည်မြို့ပေါ်ဈေးများတွင် ယခု နိုဝင်ဘာလ၊ ဒုတိယပတ်မှစ၍ ချဉ်ပေါင်ဖူးများဝင်ရောက် လာပြီး ပြည်မြို့၊ အနောက်ဘက်ကမ်းရှိ ညောင်ပင်သာ၊ ရွှေဘုံသာ၊ မန်ကျဉ်းစု၊ ဆင်တဲဘက်မှ ဝင်ရောက်မှုရှိကြောင်း သိရသည်။ ချဉ်ပေါင်ရွက်ကျချိန်တွင် ထွက်ပေါ်လေ့ရှိပြီး ချဉ်ပေါင်ပလပ်ခေါ် ချဉ်ပေါင်ဖူးများဈေးကွက်အတွင်း အရောင်းအဝယ်သွက်လျက်ရှိရာ ချဉ်ပေါင်ဖူးယို ပြုလုပ်၍ ရောင်းချသူများမှ လှိုင်လှိုင်ပေါ်ချိန်တွင် အဝယ်သွက်ကြောင်းသိရသည်။ ချဉ်ပေါင်ဖူးကို ဟင်းအဖြစ် ချက်ပြုတ်စားသောက်ခြင်း၊ သရေစာအဖြစ်လည်း စားသုံးကြပြီး ချဉ်ပေါင်ဖူးကို အခြောက်လှန်းကာ ထန်းလျက်၊ သကြားတို့ဖြင့် ယိုထိုးကာ စားသုံးကြသည်။
ပြည်မြို့ပေါ်ဈေးကွက်များ၌ ယခုပေါ်ကာစရှားပါးချိန်တွင် ချဉ်ပေါင်ဖူး(၁၅)ဖူးပါ တစ်တွဲလျှင် ကျပ် (၄၀၀-၅၀၀)ကျပ်ဖြင့်ရောင်းချမှုရှိပြီး (၁၀)တွဲတစ်တွဲလျှင် ကျပ် (၃၈၀၀ - ၄၀၀၀)ကျပ်နှုန်းဖြင့် ရောင်းချမှုရှိကြောင်း သိရှိရပါသည်။
DOCA(ပဲခူး)