စစ်ကိုင်းတိုင်းဒေသကြီး ကန့်ဘလူခရိုင်၊ ကန့်ဘလူမြို့ပေါ်ရပ်ကွက်များမှ ပြည်သူများသည် မိသားစုစားဝတ်နေရေး အဆင်ပြေစေရန်နှင့် အပိုဝင်ငွေရရှိရန်အတွက် စိုက်ပျိုးရေးလုပ်ငန်းများ အပြင် စွန်တာနီ(ခေါ်)ပဲနီနှင့် စားတော်ပဲတို့ကိုပြုတ်၍ ကန့်ဘလူမြို့မဈေးတွင် ရောင်းချလျက်ရှိ ကြောင်း သိရှိရသည်။
စားတော်ပဲပြုတ်ကို ထမင်းဆီဆမ်းနှင့်တွဲဖက်စားသုံးကြသလို၊ ပလာတာ၊ အီကြာကွေးတို့ဖြင့် လည်းတွဲဖက်စားသုံးကြကြောင်း၊ ၂၀၂၅ ခုနှစ်၊ နိုဝင်ဘာလ တတိယပတ်အတွင်း စွန်တာနီပဲ(ခေါ်) ပဲနီရေပွ(၁)ပြည်လျှင် (၅၅၀၀)ကျပ်၊ နို့ဆီဗူး(၁)ဘူးလျှင် (၇၀၀)ကျပ်နှင့် စားတော်ပဲပြုတ်(၁)ပန်း ကန်လျှင်(၃၀၀)ကျပ်၊ (၂)ပန်းကန်လျှင် (၅၀၀)ကျပ်တို့ဖြင့် အရောင်းအဝယ်ဖြစ်လျက်ရှိကြောင်း၊ ယခုနိုဝင်ဘာလ ဒုတိယပတ် ဈေးနှုန်းများနှင့်နှိုင်းယှဉ်ပါက တတိယပတ်အတွင်း စားတော်ပဲပြုတ်(၁) ပန်းကန်လျှင် (၁၀၀)ကျပ် ဈေးနှုန်းကျဆင်းသွားကြောင်း ပဲနီရေပွနှင့်စားတော်ပဲပြုတ် ရောင်းချသူထံမှ သတင်းရရှိပါသည်။
DOCA(စစ်ကိုင်း)