မန္တလေးမြို့ရှိ နန်းရှေ့ဈေး၌ ရာသီပေါ်သီးနှံမျိုးစုံရောင်းဝယ်လျက်ရှိရာ ကျွဲခေါင်းသီးများကိုလည်း ရောင်းဝယ်လျက်ရှိကြောင်း သိရှိရသည်။ ကျွဲခေါင်းသီးများကို တောင်ငူမြို့နှင့် ပခုက္ကူမြို့တို့မှ မှာယူရောင်းချကြောင်း၊ ကျွဲခေါင်းသီးပင်သည် ရေတွင်ပေါလောပေါ်နေသော အပင်ငယ်တစ်မျိုးဖြစ်ပြီး၊ အသီးတွင်အဖုများထွက်နေ၍ ကျွဲခေါင်းပုံနှင့်တူကြောင်း၊ အခွံသည် အစိမ်းပုပ်ရောင်ရှိ၍ အတွင်းသားမှာ အဖြူရောင်ရှိကြောင်း၊ အာဟာရတန်ဖိုးအနေဖြင့်အမျှင် ဓာတ်များကြွယ်ဝပြီး အစာ ခြေစနစ် ကိုအထောက်အကူပြုပြီးဝမ်းမှန်စေပါသည်။ အရိုးပွရောဂါနှင့် အရိုးအားနည်းရောဂါများကို အားဖြည့်ပေးကြောင်းသိရှိရသည်။ ၂၀၂၅ ခုနှစ်၊ နိုဝင်ဘာလ၌ ကျွဲခေါင်းသီးအစိမ်း တစ်ပြည်လျှင် ပေါ်ဦးပေါ်ဖျားအချိန်၌(၄၅၀၀-၅၀၀၀)ကျပ်ခန့် ပေါက်ဈေးများဖြင့်ရောင်းချကြောင်း ဈေးကွက်အတွင်းမှ သိရှိရပါသည်။
DOCA(မန္တလေး)