မြင်းခြံမြို့နယ်ရှိ သစ်သီးအရောင်းဆိုင်များ၌ သစ်သီးမျိုးစုံရောင်းချလျက်ရှိရာ ရာသီပေါ် လိမ္မော်သီးများကို ရှမ်းပြည်နယ်တောင်ပိုင်းရှိ အောင်ပန်းမြို့တို့မှ မှာယူရောင်းချကြောင်း၊ ၂၀၂၅ ခုနှစ်၊ နိုဝင်ဘာလ၌ လိမ္မော်သီးလုံးကြီး တစ်ပိဿာလျှင် (၉၅၀၀)ကျပ်၊အလတ်တစ်ပိဿာလျှင် (၈၀၀၀) အသေးတစ်ပိဿာလျှင် (၆၀၀၀)ကျပ်ခန့်ပေါက်ဈေးများဖြင့် ရောင်းချကြောင်း၊ ယခင်လ နှင့် နှိုင်းယှဉ်ပါက ယခုလတွင် လိမ္မော်သီးအစစုံတစ်ပိဿာလျှင် (၂၅၀၀) ကျပ်ခန့်ဈေးနှုန်း များကျဆင်းခဲ့ကြောင်း၊ ပေါ်ဦးပေါ်ဖျားထွက်ပေါ်ချိန်တွင် လိမ္မော်သီးများ ဈေးနှုန်းမြင့်တက်ခဲ့သော် လည်း ယခုကာလ၌လိမ္မော်သီးများ လှိုင်လှိုင်ထွက်ပေါ်ချိန်ဖြစ်၍ ဈေးနှုန်းများကျဆင်းခြင်းဖြစ်ကြောင်း၊ ရာသီပေါ်သီးနှံဖြစ်၍ စားသုံးမှုများပြားပြီး အရောင်းအဝယ်ဖြစ်လျက်ရှိကြောင်း လိမ္မော်သီး ရောင်းချသူ၏ ပြောပြချက်အရ သိရှိရသည်။
DOCA(မန္တလေး)