စားသုံးသူရေးရာဦးစီးဌာန၊ ရန်ကုန်အရှေ့ပိုင်းခရိုင်ဦးစီးမှူးရုံးမှ ဦးဇော်မင်းလတ် (ခရိုင်ဦးစီးမှူး)နှင့် ဝန်ထမ်းများသည် ဒဂုံမြို့သစ်ခရိုင်၊ အထွေထွေအုပ်ချုပ်ရေးဦးစီးဌာန၊ တောင်ဒဂုံမြို့နယ်၊ မြို့နယ်စည်ပင်သာယာရေးကော်မတီမှ တာဝန်ရှိသူများနှင့် ပူးပေါင်း၍ (၂၅.၁၁.၂၀၂၅)ရက် နေ့၊ နေ့လယ်(၁၄:၀၀)နာရီအချိန်တွင် အမှတ်(၁၅၃၅)၊ အောင်ဇဗ္ဗူလမ်း၊ (၅၇)ရပ်ကွက်၊ တောင်ဒဂုံမြို့နယ်၊ “ဝင်းဝင်းထက်” ဆန်ရောင်းဝယ်ရေးအရောင်းဆိုင်သို့သွားရောက်၍ ကွင်းဆင်းအသိ ပညာပေးးမှုများ ဆောင်ရွက်ခဲ့ကြောင်း သိရှိရပါသည်။
ထိုသို့ ကွင်းဆင်းအသိပညာပေးရာတွင် “ဝင်းဝင်းထက်”ဆန်ဆိုင်ရှိ ရောင်းချနေသောဆန်များသည် သတ်မှတ်ရည်ညွှန်းဈေးအတိုင်း ဆန်ရောင်းချနေမှုရှိ/ မရှိနှင့် ဈေးနှုန်းမြှင့်တင်ရန်သို လှောင်ထားခြင်းများရှိ/ မရှိ စစ်ဆေးခဲ့ပြီး၊ ဈေးကစားရန်ရည်ရွယ်ချက်ဖြင့် ဆန်သိုလှောင် ထားခြင်းများတွေ့ရှိပါက အရေးကြီးဝန်ဆောင်မှုဥပဒေအရ အရေးယူမည်ဖြစ်ကြောင်း၊ ဆန်အိတ် (၁၀၀၀)နှင့်အထက် သိုလှောင်ထားရှိပါက သိုလှောင်ရုံမှတ်ပုံတင်ပြုလုပ်ရမည်ဖြစ်ကြောင်း အသိပညာပေးပြောကြားခဲ့ကြောင်း သိရှိရပါသည်။
DOCA(ရန်ကုန်)