ယခု၂၀၂၅ခုနှစ် နိုဝင်ဘာလကုန်ပိုင်းတွင် ပွင့်လင်းရာသီရောက်ရှိလာချိန်တွင် ရှမ်း (တောင်) ကုန်စိမ်းသီးနှံများကုန်ထုတ်လမ်းများ ကောင်းလာခြင်း သီးနှံအထွက်စုံလာခြင်းတို့ ကြောင့်ကုန်စည်အဝင်များ၍ကုန်စိမ်းဈေးကွက်ပြန်လည်သွက်လက်လာသော်လည်း ဈေးနှုန်း အတက်ဖက်သို့ ဦးတည်လာကြောင်း သိရပါသည်။
နိုဝင်ဘာလကုန်နှင့် ဒီဇင်ဘာလပိုင်းတွင် ပွင့်လင်းရာသီခရီးသွားလာမှုများခြင်းကြောင့် စားသောက်ဆိုင်၊ ထမင်းဆိုင်များအသုံးများလာခြင်း၊ အလှူအတန်းပွဲလမ်းများပြုလုပ်လာ ခြင်းတို့ကြောင့်ကုန်စိမ်းသီးနှံများ ဈေးကွက်လိုအပ်ချက်များပြားလာသဖြင့်ကုန်အဝင်နည်း၍ ဈေးမြင့်လာပါသည်။ အချို့သောစားသောက်ဆိုင်များမှလည်းစိုက်ခင်းအရောက်အဝယ်တော် လွှတ်၍ ဝယ်ယူသည်များရှိရာ ပွဲရုံများသို့ ကုန်အဝင်နည်းပါးရခြင်းဖြစ်ပါသည်။ စိုက်ဧကနည်း ထုတ်လုပ်မှုနည်းသည့် ငရုပ်ပွ၊ ဘိုစားပဲသီး၊ ရွှေပဲသီး၊ မုံညှင်းရွက်စသည့်ကုန်စိမ်းသီးနှံများ ဈေးမြင့်လာရခြင်းဖြစ်ပါသည်။
လက်ရှိပေါက်ဈေးမှာ ငရုပ်ပွ(ယခင်တစ်ပတ် ၈၀၀၀၊၈၅၀၀ မှယခု ၉၀၀၀၊ ၁၁၀၀၀) ၊ ဘိုစားပဲသီးမှာ(ယခင်တစ်ပတ်၅၀၀၀ မှ ယခု ၆၀၀၀၊ ၆၅၀၀)၊ မုံညှင်းရွက်(ယခင်တစ်ပတ် ၁၃၀၀၊ ၁၇၀၀ မှ ယခု ၄၀၀၀၊၄၅၀၀)ထိမြင့်တက်လာပါသည်။ စိုက်ဧကများထုတ်လုပ်မှုများသည့် ဂေါ်ဖီမှာ (ယခင်တစ်ပတ် ၁၀၀၀၊၁၃၀၀ မှ ယခု ၁၇၀၀၊၂၀၀၀) ထိမြင့်တက်လာပြီး ပန်းမုံလာပွင့်မှာ(ယခင်တစ်ပတ် ၉၀၀၊၁၀၀၀ မှ ယခု ၁၅၀၀၊၂၀၀၀)ထိ မြင့်တက်လာပါသည်။ အညာဒေသတွင်ကုန်စိမ်းသီးနှံ စိုက်ဧကလျော့နည်းမှုကြောင့် ရှမ်းကုန်စိမ်းသည် ယခင်နှစ်များ ထက်ဈေးကွက်ပိုကာရှမ်း(တောင်)ကုန်စိမ်းသီးနှံဈေးမြင့်လာခြင်းဖြစ်ကြောင်း လေ့လာတင်ပြရပေသည်။
DOCA(ရှမ်း)