“ဘေဘီဖက်ရှင်”နှင့်“မိဘအရိပ်”   ကလေးအသုံးအဆောင်ပစ္စည်းအရောင်းဆိုင်များအား ကွင်းဆင်းစစ်ဆေး

      ဧရာဝတီတိုင်းဒေသကြီး၊ ဖျာပုံခရိုင်၊ စားသုံးသူရေးရာဦးစီးဌာနမှ ဒုခရိုင်ဦးစီးမှူးဦးဆောင်၍ ဝန်ထမ်းများနှင့်အတူ မြို့နယ်စည်ပင်သာယာရေး၊ မြို့နယ်ကျမ်းမာရေးဦးစီးဌာနတို့ ပူးပေါင်း၍ ၂၀၂၅ခုနှစ်၊ နိုဝင်ဘာလ (၁၉)ရက်နေ့တွင် ဖျာပုံမြို့နယ်၊ ဒုတိယလမ်းရှိ “ဘေဘီဖက်ရှင်”ကလေးအသုံးအဆောင်ပစ္စည်းအရောင်းဆိုင်နှင့် မိဘအရိပ်”ကလေးအသုံးအဆောင်ပစ္စည်းအရောင်းဆိုင်သို့ ကွင်းဆင်းစစ်ဆေးခဲ့ကြပါသည်။

          အဆိုပါကွင်းဆင်းစစ်ဆေးရာတွင် ဒုခရိုင်ဦးစီးမှူးမှ ကလေးအသုံးအဆောင်ပစ္စည်းအရောင်း ဆိုင်တွင် ရောင်းချနေသော ပစ္စည်းများတွင်  သက်တမ်းကုန်ဆုံးရက်ကျော်လွန်သောပစ္စည်းများ မရောင်းချစေရေး၊ ကုန်အညွှန်းအမှတ်အသားများ ပြည့်စုံစွာပါရှိပြီး သက်ဆိုင်ရာဌာနများ၏ ထောက်ခံချက်များ ပါရှိသော ပစ္စည်းများရောင်းချစေရေးနှင့် လိုအပ်သည်များမှာကြားခဲ့ကြောင်း သိရှိရပါသည်။

DOCA(ဧရာဝတီ)