ကျွန်းလှမြို့နယ်အတွင်းရှိ ကျေးရွာများတွင် စိုက်ပျိုးရေးလုပ်ငန်းများကို လုပ်ကိုင်လျက်ရှိရာ စားဖိုဆောင်သီးနှံဖြစ်သည့် ပဲတောင့်ရှည်သီး၊ ချဉ်ပေါင်ရွက်၊ ဆူးပုတ်ရွက်၊ ရုံးပတီသီး၊ ခရမ်းသီးနှင့် ကန်ဇွန်းရွက်၊ ဆလတ်ရွက်များကို စိုက်ပျိုးလျက်ရှိပြီး ကျွန်းလှမြို့၊ သစ်ရာမြိုင်ဈေးသို့ လာရောက်ပို့ဆောင်ကာ အရောင်းအဝယ်ဖြစ်လျက်ရှိကြောင်း သိရသည်။
၂၀၂၅ ခုနှစ်၊ နိုဝင်ဘာလ စတုတ္ထပတ်အတွင်း ကျွန်းလှမြို့၊ သစ်ရာမြိုင်ဈေးတွင် ဖြစ်ပေါ်နေသော ကန်ဇွန်းရွက်၊ ဆလတ်ရွက်၊ ကင်ပွန်းချဉ်ရွက်နှင့် ချဉ်ပေါင်ရွက် ဈေးနှုန်းများမှာ ကန်ဇွန်းရွက် တစ်စီးလျှင်(၃၀၀)ကျပ်၊ ငွေကျပ်(၅၀၀)ဖိုးလျှင်(၂)စီး၊ ဆလပ်ရွက် ဈေးနှုန်းမှာ ဆလပ်ရွက်တစ်ပင်လျှင် (၅၀၀)ကျပ်၊ ငွေကျပ်(၂၀၀၀)ဖိုးလျှင်(၅)ပင်၊ ကင်ပွန်းချဉ်ရွက် တစ်စီးလျှင်(၂၀၀)ကျပ်၊ ငွေကျပ် (၅၀၀)ဖိုး လျှင်(၃)စီးလျှင်နှင့် (၁၀)စီးတစ်ထုံးလျှင်(၁၇၀၀)ကျပ်၊ ချဉ်ပေါင်ရွက်(၁)ပိဿာလျှင်(၁၅၀၀)ကျပ်၊ ချဉ်ပေါင်ရွက်(၅၀)ကျပ်သားလျှင်(၈၀၀) ကျပ်နှင့် (၂၅)သားလျှင်(၂၀၀)ကျပ် ဈေးနှုန်းတို့ဖြင့် ဈေးနှုန်းဖြင့်အရောင်းအဝယ်ဖြစ်လျက်ရှိကြောင်း ကန်ဇွန်းရွက်၊ ဆလတ်ရွက်၊ ကင်ပွန်းချဉ်ရွက်နှင့် ချဉ်ပေါင်ရွက် တို့ကို ထမင်းဆိုင်များ၊ စားဖွယ်စုံဆိုင်များနှင့် အထောင်းဆိုင်များမှ အများဆုံးအသုံးပြုသည့်အတွက် အရောင်းအဝယ်ကောင်းလျက်ရှိကြောင်း သိရှိရပါသည်။
DOCA(စစ်ကိုင်း)