၂၀၂၅ခုနှစ်၊ ဒီဇင်ဘာလ(၁)ရက်နေ့တွင် တနင်္သာရီတိုင်း၊ မြိတ်ခရိုင်ရှိ ပြန်ကြားရေးနှင့် ပြည်သူ့ ဆက်ဆံရေးဦးစီးဌာနတွင် အသေးစားစက်မှုလက်မှုလုပ်ငန်းဦးစီးဌာနမှ ဖွင့်လှစ်သောတန်ဖိုးမြှင့် စားသောက်ကုန်ထုတ်လုပ်မှုနည်းပညာသင်တန်းတွင် မြိတ်ခရိုင်စားသုံးသူရေးရာဦးစီးဌာနမှ သွားရောက်၍ ထုတ်ကုန်လုံခြုံစိတ်ချရမှုရှိစေရေးနှင့် ကုန်အညွှန်းအမှတ်အသားနှင့်ပတ်သက်၍ အသိပညာပေးဟောပြောဆွေးနွေးခဲ့ကြောင်း သိရှိရပါသည်။
အဆိုပါဟောပြောပွဲတွင် စားသုံးသူရေးရာဦးစီးဌာနအနေဖြင့် မိမိ၏ ထုတ်ကုန်များထုတ်လုပ်ရာတွင် ကုန်အညွှန်းအမှတ်အသားများကို မြန်မာဘာသာဖြင့်ဖော်ပြရမည့်အကြောင်း၊ ဘေးအန္တရာယ် ကင်းရှင်းရေးအတွက် ဆောင်ရွက်ရမည့်အကြောင်း၊ စားသုံးသူများအနေဖြင့် စားသုံးအခွင့်အရေးများ ရှိသည့် အပြင် စီးပွားရေးလုပ်ငန်းရှင်များတွင်လည်း တာဝန်ရှိကြောင်း၊ မိမိတို့ထုတ်ကုန်များကြောင့် နစ်နာမှုရှိပြီး တိုင်ကြားမှုဖြစ်ပေါ်လာနိုင်သည့်အတွက် ထုတ်ကုန်လုံခြုံစိတ်ချရရေးဆောင်ရွက်ရန် အသိပညာပေးခဲ့ကြောင်းသိရှိရပါသည်။
DOCA(တနင်္သာရီ)