တောင်ငူမြို့ မြို့မဈေးကြီး၊ ညောင်ပင်လေးဈေး၊ ဘုရင့်နောင်ဈေး၊ ဘုရားဈေး နှင့် ကရင်မဈေးများ တွင် ဆောင်းသီးနှံလေးများဖြစ်သည့် ဟင်းသီးဟင်းရွက်များ လာရောက်ရောင်းချရာ ခဝဲသီးများလည်း ဈေးကွက်အတွင်း၌ ဈေးနှုန်းအနည်းငယ်မြှင့်၍ရောင်းကောင်းသော သီးနှံတစ်မျိုးဖြစ်သည်။
ခဝဲသီးကို ဟင်းချိုချက်စားခြင်း၊ ကြော်စားခြင်း၊ ခေါက်ဆွဲကြော်၊ ကြာဇံကြော်များ ကြော်စားခြင်းများဖြင့် နှစ်သက်ရာ စားသုံးနိုင်သည်။ ထို့ပြင်ခဝဲသီးအခြောက်၏ အစေ့ကိုသွေး၍ မီး နှင့် ပူအောင် ပြုလုပ်ပြီး အပြင်မှ လူးပေးပါက သွေးပွတ်ခြင်း၊ ခဝဲသီး အရွက်စိမ်းကို ရေပြောင်အောင်ဆေးပြီး အရည်ကို မျက်စိစွံခြင်း ကို ပျောက်ကင်းသည်ဟု လေ့လာသိရပါသည်။
ခဝဲသီးဈေးနှုန်းများအနေဖြင့် ၄ တောင့် မှ ၅ တောင့်ပါ၁ စီး လျှင် ၅၀၀ ကျပ် ပေးရပြီး ၁၀ စီး နှင့် အထက်ဝယ်ယူပါက ဈေးနှုန်းမှာ အပြောင်းအလဲရှိကြောင်း ရောင်းချသည့် ဈေးသည်များထံမှ သတင်းရရှိပါသည်။