စားသုံးသူရေးရာဦးစီးဌာန၊ မန္တလေးတိုင်းဒေသကြီး ဒု-တိုင်းဒေသကြီးဦးစီးမှူး ဦးဆောင် ကျင်းပသော လစဉ် လုပ်ငန်းညှိနှိုင်းအစည်းအဝေးအား (၁.၁၂.၂၀၂၅)ရက်နေ့ နံနက် (၁၀:၀၀) နာရီအချိန်၌ Online Virtual စနစ်ဖြင့် ကျင်းပပြုလုပ်ခဲ့ပါသည်။ အစည်းအဝေးသို့ ဒု-တိုင်းဒေသကြီးဦးစီးမှူး၊ လက်ထောက်ညွှန်ကြားရေးမှူးများ၊ မြင်းခြံခရိုင်ဦးစီးမှူး၊ ကျောက်ဆည် ခရိုင်ဦးစီးမှူး၊ မိတ္ထီလာခရိုင်ဦးစီးမှူး၊ ညောင်ဦးခရိုင်ဦးစီးမှူး၊ ပြင်ဦးလွင်ခရိုင်ဦးစီးမှူး၊ အရာထမ်း များ၊ အမှုထမ်းများတို့ တက်ရောက်ခဲ့ကြောင်း သိရသည်။ ဒု-တိုင်းဒေသကြီးဦးစီးမှူး ဒေါက်တာ ဇော်လွင်မှ အဖွင့်အမှာစကားပြောကြားပြီး ခရိုင်ဦးစီးမှူးများနှင့် ဌာနခွဲတာဝန်ခံများ၊ ခရိုင်တာဝန်ခံ များမှ လုပ်ငန်းဆောင်ရွက်မှုများနှင့် ပတ်သက်၍ အသီးသီးရှင်းလင်းဆွေးနွေးကြရာ မြင်းခြံခရိုင်ဦးစီးမှုးရုံးမှ ဒု-ခရိုင်ဦးစီးမှူးဦးတင်ဇော်ထွေး(ဦးစီးအရာရှိ)မှက ယခင်လ အစည်းအဝေးဆုံးဖြတ် ချက်များဆောင်ရွက်ပြီးစီးမှုများ၊ ယခု ဒီဇင်ဘာလတွင်လည်း ဈေးကွက်ကွင်းဆင်း ဆောင်ရွက်မှု၊ အသိပညာပေးဟောပြောဆွေးနွေးပွဲများ၊ ကျောင်းမုန့်ဈေးတန်းကွင်းဆင်းမှုများအား လျာထား ချက်ပြည့်မှီကျော်လွန်အောင် ဆောင်ရွက်သွားမည် ဖြစ်ပါကြောင်းနှင့် ရှေ့ဆက်လက်ဆောင်ရွက်မည့် လုပ်ငန်းစဉ်များအား အသေးစိတ်ဆွေးနွေးဆောင်ရွက်တင်ပြခဲ့ပြီး မြင်းခြံခရိုင်မှ အရာထမ်း(၃)ဦး၊ အမှုထမ်း(၁၀)ဦး တက်ရောက်ခဲ့ကြောင်း သိရသည်။
DOCA(မန္တလေး)