“အာလူးစျေးနှုန်းများတည်ငြိမ်လျက်ရှိ”

   ကျောက်ဆည်မြို့ရှိ ‌အေးမြကြည်လင်စျေး နှင့် မြို့မဈေးများသို့ အာလူးသီးများ ဝင်ရောက်လျက်ရှိပြီး ရှမ်းပြည်နယ် အောင်ပန်း ၊ ပင်းတယ နှင့် ရွာငံရေဦးမြို့များမှ ဝင်ရောက်လျက်ရှိကြောင်း၊ အာလူးသီး သီးနှံကို စားသုံးသူပြည်သူများက အလွန်ကြိုက်နှစ်သက်သောကြောင့် ဝယ်လိုအားရှိ ကြောင်း၊ အာလူးစျေးနှုန်း အနေဖြင့် နိုဝင်ဘာလ နောက်ဆုံးပတ်တွင် လက်လီ(၁)ပိဿာလျှင် အသေး(၄၅၀၀/-)ကျပ်၊ အလတ်(၅၅၀၀/-)ကျပ်၊ အကြီး(၆၅၀၀-)ကျပ်စျေးနှုန်းများဖြင့် အရောင်း အဝယ် ဖြစ်ခဲ့ပြီး ဒီဇင်ဘာလ ပထမပတ်တွင် လက်လီ(၁)ပိဿာလျှင် အသေး(၄၅၀၀/-)ကျပ်၊အလတ် (၅၅၀၀/-)ကျပ်၊အကြီး(၆၅၀၀-)ကျပ်စျေးနှုန်းများဖြင့် ‌ရောင်းဝယ်လျက်ရှိပြီး စျေးနှုန်းများတည်ငြိမ် နေကြောင်း အာလူးရောင်းချသည့် ဈေးသည်များထံမှသိရှိရပါသည် ။ အာလူးကို ဟင်းချက်၍ သော်လည်းကောင်း၊ အာလူးကို အသားများနှင့်ရောပြီး ချက်ပြုတ်စားသောက်၍ သော်လည်းကောင်း၊  အာလူးကိုကြော်စား၍ သော်လည်းကောင်း၊ အသုတ်များတွင်လည်းထည့်၍ သော်လည်းကောင်းစားသုံး ကြပါသည် ။ အာလူးသီးနှံတွင် ဗီတာမင် C ပါဝင်သောကြောင့် အရေပြားကျန်းမာစေဖို့ အကောင်းဆုံး အားဖြည့်ပေးနိုင်ကြောင်း ကျန်းမာရေး စာစောင်များမှသိရှိရပါသည်။

DOCA(မန္တလေး)