မိတ္ထီလာဈေးကွက်တွင် ဒီဇင်ဘာလဆန်း၌ ကြက်သွန်နီဈေးငြိမ်နေကြောင်းသိရသည်။ မိတ္ထီလာခရိုင်အတွင်း ကြက်သွန်နီအများဆုံးစိုက်ပျိုးသော မလှိုင်၊ မိတ္ထီလာမြို့များမှ ကြက်သွန်နီတင်ပို့မှု မှာ ယခုရက်ပိုင်း ပြည်တွင်းဈေးကွက်များသို့သာ တင်ပို့နိုင်ကြောင်းသိရသည်။ မိတ္ထီလာ၊ မလှိုင်မြို့ နယ်များမှ ကြက်သွန်နီကို ပြည်တွင်းဝယ်လက်များဖြစ်သည့် ရန်ကုန်၊ ပဲခူး၊ တောင်ကြီးမြို့များသို့ အများဆုံးတင်ပို့ကာ ပြည်ပဝယ်လက်အနေဖြင့် ရန်ကုန်၊ မော်လမြိုင်၊ တာချီလိတ်၊ မိုင်းလားမြို့များ သို့ တင်ပို့ကြပါသည်။ယခုတစ်ပတ်အတွင်းပြည်တွင်းဈေးကွက်များဖြစ်သည့် ရန်ကုန်၊ ပဲခူး၊ တောင် ကြီးမြို့များသို့ (၁၂) ဘီးကား၊ (၆) ဘီးကားများဖြင့် အခြားကုန်များနှင့်ရောနှောတင်ပို့ရာ ကုန်တင်ခ အနေဖြင့် တစ်ပိဿာလျှင် မိတ္ထီလာ-ရန်ကုန်မှာ (၂၀၀) ကျပ်၊ မိတ္ထီလာ-ပဲခူးမှာ (၂၀၀) ကျပ်၊ မိတ္ထီလာ တောင်ကြီးမှာ (၁၅၀) ကျပ် ဈေးတို့ဖြင့် ဈေးငြိမ်နေကြောင်းသိရသည်။ ကြက်သွန်နီဈေးအနေဖြင့် ဝယ်လိုအားပုံမှန်ရှိသော်လည်း ပစ္စည်းအရည်အသွေးအနေဖြင့် သိုလှောင်ချိန်ကြာမြင့်လာသည့်အတွက် ကျဈေးဖြင့်ငြိမ်နေရာ ပွဲစားဝယ်ဈေးမှာ တစ်ပိဿာ (၇၀၀-၈၀၀) ကျပ်ဈေးရှိကြောင်း ကြက် သွန်နီတင်ပို့ရောင်းချသည့် ကုန်သည်များထံမှ သိရသည်။
DOCA(မန္တလေး)